सोलापूर : दुकानाचे एका शटरला कुलूप लावून दुसरे शटर आतून बंद करून दोघे भाऊ दुकानात झोपले होते. दुकान बंद असल्याचे पाहून चोरट्याने कटावणीने कुलूप तोडून दुकानात प्रवेश केला. त्यावेळी दुकानात झोपलेल्या वैभव बापू खुडे व अनिल खुडे (रा. जाधववाडी, ता. माळशिरस) या दोघांनी त्या चोरट्याला जागेवरच पकडले. माळशिरस पोलिसांनी अटक करून त्याला न्यायालयात हजर केले. न्यायालयाने त्यास दोन दिवसांची पोलिस कोठडी ठोठावली आहे. विशाल संभाजी पवार (रा. उमराणी, ता. जत, सांगली) असे त्या संशयिताचे नाव आहे.