गुरुपृष्यामृतासाठी दागिने खरेदीची उलाढाल एक कोटीवर 

सोलापूरः बाजारपेठेत आज गुरूपृष्यामृताच्या मुहुर्तावर सोने व चांदी खरेदीमध्ये एक कोटी रुपयापेक्षा अधिक उलाढाल झाली. सराफा दुकानामध्ये मोठया प्रमाणात ग्राहकांनी खरेदीसाठी गर्दी केली होती. लग्नसराईमुळे ग्राहकी वाढली आहे. . 

हेही वाचाः मला नाही तर माझ्या पत्नीला मिळेल उमेदवारी ; बुधवारी सौभाग्यवतीसाठी श्रींची धावपळ 

संपत्या इंग्रजी वर्षातील गुरुपृष्यामृताचे हे शेवटे मुहूर्त होते. मागशिर्ष महिन्यातील लक्ष्मी व्रताचा गुरुवार व लग्नसराई या दोन्ही कारणामुळे महिलांचा दागिने खरेदीकडे अधिक ओढा होता. मागील काही गुरुपृष्यामृताचे मुहुर्त कोरोनाच्या सावटाखाली वाया गेले होते. मात्र आज ग्राहकांनी खरेदीमध्ये जोरदार सहभाग घेतला. सोन्याचे व चांदीच्या भावात मागील काही दिवसापासून मोठे चढउतार नाहीत. 
लग्नसराईचा खरा फायदा सराफा बाजाराला झाला आहे. विवाह सोहळ्यात उपस्थितीच्या मर्यादेमुळे खर्चाच्या रकमेत बचत झाली आहे. त्यामुळे त्या ऐवजी दागिने खरेदीला अधिक महत्व दिले जात आहे. त्यामुळे सराफा बाजारात खऱ्या अर्थाने तेजी आली आहे. कोरोना संकटानंतर झपाट्याने या बाजारातील उलाढाल वाढली आहे. 

आजचे भाव 
सोने ः 50 हजार 650 रुपये प्रती तोळा 
चांदी ः 69 हजार रुपये किलो 

बाजारात ग्राहकी वाढली
लग्नसराईमुळे सराफा बाजारात ग्राहकी वाढली आहे. संपत्या वर्षातील हे शेवटचे गुरपृष्यामृत असल्याने महिलांची खरेदीसाठी अधिक गर्दी आहे. 
- मिलिंद येणेगूरकर, सराफा व्यावसायिक