अखेर उद्धव ठाकरेंनी भाजपला हरवलंच; चिंचपूर ग्रामपंचायतीवर सेनेचा झेंडा

Solapur Chichpur Grampanchayat Election : बंडखोरी करून सत्तेतून पायउतार झाल्यानंतर उद्धव ठाकरेंनी या घटनेचा अखेर बदला घेतला असून, सोलापूरमधील चिंचपूर ग्रामपंचायतीमध्ये उद्धव ठाकरे गटाने सर्वच्या सर्व 7 जागांवर विजय मिळवत भाजपचा पराभव केला आहे. ग्रामपंचायतीवर शिवसेनेचा झेंडा फडकल्याने ठाकरे गटाला मोठा दिलासा मिळाला आहे. मात्र, या निकालाने सोलापुरात वर्चस्व असणारे माजी सहकारमंत्री आणि भाजपा आमदार सुभाष देशमुख हा मोठा धक्का बसला आहे.

सोलापूरमध्ये सुभाष देशमुख यांचे वर्चस्व आहे. मात्र आज जाहीर झालेल्या चिचंपूर ग्रामपंचायतीच्या निकालाने भाजपसह देशमुखांना मोठा धक्का बसल्याची चर्चा असून, बंडखोरीनंतर उद्धव ठाकरेंनी मिळवलेले हे पहिलेच यश आहे. राज्यात आज 15 जिल्ह्यातील 238 ग्रामपंचायतीचे निकाल लागणार असून या निकालाकडे सगळ्यांचे लक्ष लागलं आहे.

सोलापूर जिल्ह्यातील 9 तालुक्यातील 25 ग्रामपंचायतीचे निकाल लागणार असून, पहिल्या निकालात चिंचपूर ग्रामपंचायतीवर ठाकरे गटाने विजय सुरुवात करत भाजपला जोरदार धक्का दिला आहे. चिंचपूरच्या निकालानंतर आता उर्वरित ग्रामपंचायीत कुणाची सत्ता येणार याची उत्सुकता सर्व राजकीय पक्षांना लागली आहे.