सलगर बुद्रुक (जि. सोलापूर) - सोलापूर जिल्ह्यातील मंगळवेढा तालुक्याच्या दक्षिण टोकाला असलेल्या सलगर खुर्द ग्राम पंचायतीवर संपूर्ण महिला निवडून गेल्या आहेत.त्यामुळे गावचा गाडा हाकण्याचे काम कारभारनिंणकडे गेले आहे.गावच्या इतिहासात पहिल्यांदाच ग्रामपंचायतीवर महिला राज आल्याने गावातील सर्व महिला खुश आहेत.
या ग्रामपंचायती मध्ये सात सदस्य आहेत.विद्यमान सरपंच देखील महिलाच आहेत. त्यांचा कारभार आणखी डिसेंबर पर्यंत चालणार आहे.दरम्यान नव्याने निवडून आलेल्या महिला सदस्या ह्या अंजली बिभीषन पाटील, साळूबाई ज्ञानोबा मासाळ, चिमाबाई महादेव बेलदार, आरती अजय कांबळे, मनीषा रमेश ओलेकर, संध्यारणी विलास काटकर, द्रोपदा अरविंद पाटील या आहेत. यापैकी द्रोपदा अरविंद पाटील व आरती अजय कांबळे या दोन सदस्या विरोधातील प्रतिस्पर्धी उमेदवारांनी अर्ज काढून घेतल्याने त्या बिनविरोध झाल्या आहेत. त्यामुळे सात पैकी पाच जागांवरच ही निवडणूक प्रक्रिया पार पडली.
दरम्यान सदर ग्रामपंचायतीच्या सरपंच पदाचे आरक्षण सर्वसाधारण महिला असे पडल्याने सर्व जागेवर महिला उमेदवारांनी अर्ज दाखल केले होते. अत्यंत चुरशीच्या झालेल्या या निवडनिकीत ग्रामपंचायतीवर महिला राज आले आहे. परंतु जरी या ग्रामपंचायतीवर महिला राज आले असले तरी ग्रामपंचायतीचा प्रत्यक्ष कारभार, कारभारी कारभारनिंणा चालवू देतील की स्वताच चालवतील असा प्रश्न सर्वसामान्यांना पडला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.