आरवडे गावात वीज उपकेंद्र सुरु तत्काळ सुरू करा

Start power substation in Arwade village immediately
Start power substation in Arwade village immediately

तासगाव : तासगांव तालुक्‍यातील आरवडे गावात केंद्राची संसद आदर्श गाव संकल्पना खासदार संजय पाटील यांच्यावतीने राबविण्यात आली. त्याअंतर्गत आरवडेत 33/11 के.व्ही. उपकेंद्र मंजूरही झाले. आजअखेर निविदा न काढल्याने हे काम अजून रखडले आहे. रखडलेले काम तातडीने करून आरवडेत वीज उपकेंद्र सुरु करावे, अशी मागणी युवा नेते, एनएसयुआयचे राज्य सरचिटणीस राजीव मोरे यांनी उर्जामंत्री नितीन राऊत यांच्याकडे मुंबई येथे केली. त्यावेळी कॉंग्रेसचे शहर जिल्हाध्यक्ष पृथ्वीराज पाटील उपस्थित होते. 

आरवडेतील वीज उपकेंद्र होणे महत्वाचे आहे. या भागात ताकारी,पुणदी-विसापूर पाणी योजना कार्यरत आहेत. हातनूर, बोरगाव, शिरगाव शाखे अंतर्गत 40 नवीन रोहित्रे मंजूर आहेत. रोहित्राचे अंदाजपत्रक वरीष्ठ कार्यालयास मंजुरीसाठी पाठवलेले आहे. कामे तातडीने पुर्ण झाल्यास शेतीला योग्य दाबाने वीज पुरवठा होणार आहे. रोहित्रे जळण्याच्या घटनाही टळतील. एकूणच वीज पुरवठा सुरळीत व सुरक्षित होईल, असे निवेदनात म्हटले आहे. 

दरम्यान, श्री. राऊत यांनी सकारात्मक प्रतिसाद देत संबंधित विभागाला उचित कारवाईचे आदेश दिले आहेत. काही दिवसांतच वीज उपकेंद्राच्या निविदा कार्यान्वित केल्या जातील, असा विश्वास व्यक्त केला.


संपादन : प्रफुल्ल सुतार 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com