K Chandrasekhar Rao : KCR यांचं गुलाबी वादळ अखेर सांगलीत धडकलं; मुख्यमंत्री कोणावर साधणार निशाणा? उत्सुकता शिगेला

नेर्ले/इस्लामपूर : तेलंगणाचे मुख्यमंत्री (Telangana CM) आणि भारत राष्ट्र समितीचे संस्थापक के. चंद्रशेखर राव (K. Chandrasekhar Rao) यांचं वाटेगावमध्ये जल्लोषात स्वागत करण्यात आलं. पेठ नाका ते केदारवाडी भाटवाडी, काळमवाडीमार्गे मुख्यमंत्री के. चंद्रशेखर राव यांचा ताफा वाटेगावमध्ये दाखल झाला.

यावेळी सभेच्या ठिकाणी असणाऱ्या लोकांनी मोठ्या प्रमाणात जल्लोष करत "चंद्रशेखर साहेब तुम आगे बढो, हम तुम्हारे साथ है" अशा उत्साहात घोषणा दिल्या. यावेळी के. चंद्रशेखर यांनी लोकशाहीर अण्णाभाऊ साठे यांच्या स्मारकासमोर असलेल्या अण्णाभाऊ साठे यांच्या अर्ध पुतळ्यास अभिवादन केलं.

पुढे अण्णाभाऊ साठे यांचा जन्म घराची त्यांनी माहिती घेतली. त्यानंतर मुंबई ते वाटेगावपासून मुंबई पर्यंत त्यांचा जीवन प्रवास या शिल्पसृष्टी उभे केलेल्या अण्णाभाऊ साठेंच्या शिल्पसृष्टीची त्यांनी पाहणी केली. अण्णाभाऊ साठे यांच्या सून सावित्रीबाई साठे, सचिन साठे यांच्याशी चर्चा केली. के.चंद्रशेखर वाटेगावात आल्यावर त्यांना पाहण्यासाठी लोकांनी रस्त्यावर मोठी गर्दी केली होती.