मिरज : महाराष्ट्रासह कर्नाटकातील प्रवासाच्या निमित्ताने प्रवाशांचा नेहमीच राबता असलेल्या मिरज बसस्थानकावर आता चोरीचे प्रकार वाढले आहेत. बसस्थानकाची इमारत पाडून तात्पुरत्या स्वरूपात समोरूनच बससेवा देण्यात येत आहे. त्या ठिकाणी जागा कमी असल्याने गर्दी वाढत असते. नेमका याचाच फायदा घेत चोरट्यांकडून प्रवाशांच्या बॅगा, पर्सवर हात साफ केले जात आहेत. दोन आठवड्यांत दोन लाख रुपयांचा ऐवज चोरट्यांनी लांबवला आहे.