सांगलीत भरधाव ट्रकच्या धडकेत मणेराजुरीचे दोघे तरूण ठार... 

सांगली : संचारबंदीच्या कळात येथील बुधगाव-सांगली रस्त्यावर भरधाव ट्रकने दिलेल्या धडकेत मणेराजुरी (ता. तासगाव) येथील दोघे तरूण जागीच ठार झाले. बजरंग शामराव शिंदे (वय 29) व प्रकाश हणमासो शिंदे (वय 40) अशी त्या दोघांची नावे आहेत. दुपारी दोनच्या सुमारास बुधगाव येथील वसंतदादा पाटील अभियांत्रिकी महाविद्यालयाजवळ हा अपघात झाला. 

पोलिसांनी दिलेली माहिती अशी, की

बजरंग शिंदे व प्रकाश शिंदे हे दोघे मणेराजुरी (ता. मिरज) येथे राहण्यास आहेत. दुपारी एकच्या सुमारास दुचाकी (एमएच 10 बीके 7710) वरून सांगलीकडे येत होते. त्यावेळी येथील बुधगाव कॉलेजवळ दुपारी दोनच्या सुमारास आले. त्यावेळी त्यांच्या शेजारी चारचाकी (एमएच 10 एएन 1438) निघाली होती. त्यावेळी मागून ट्रक (एमएच 10 झेड 2933) भरधाव वेगाने येत होती. बुधगाव कॉलेजजवळ आल्यानंतर ट्रकने दुचाकीला जोराची धडक दिली. त्यात दोघेही रस्त्यावर आदळले.

हेही वाचा- सेल्फी वुईथ पेशंटला जयसिंगपुरात प्रतिसाद ; डॉक्टरांनी जपले सामाजिक भान

बुधगावमध्ये अपघात; मागून दिली धडक 

दोघेही जागीच ठार झाले.दरम्यान, घटनास्थळी ग्रामीण पोलिसांनी तातडीने धाव घेतली. उपनिरीक्षक विष्णू माळी, सहायक फौजदार पी. जी. वंजारी, पोलिस नाईक एस. यु. जाधव यांनी पंचनामा केला. येथील शासकीय रुग्णालयात उत्तरीय तपासणी करण्यात आली. त्यानंतर मृतदेह नातेवाईकांच्या ताब्यात देण्यात आला. दारम्यान, संशयित ट्रक चालकासह पोलिसांनी ताब्यात घेतल्याचे समजते आहे. 
...