मोहोळ : बहुचर्चित विधान परिषदेच्या निवडणुकीची लगीनघाई सुरू झाली असून, विविध पक्षाच्या इच्छुकांनी आपापल्या गॉडफादर कर्वी आपल्यालाच संधी मिळावी यासाठी वरिष्ठाकडे फिल्डिंग लावली आहे. दरम्यान मोहोळ तालुक्यातून राष्ट्रवादीचे माजी प्रदेश प्रवक्ते उमेश पाटील यांच्याही नावाची सध्या जोरदार चर्चा असून, समाज माध्यमावर त्यांच्या कार्यकर्त्यांनी धुमाकूळ घातला आहे. दरम्यान उमेश पाटील यांना संधी मिळावी म्हणून त्यांच्या गावोगावच्या कार्यकर्त्यांनी देव पाण्यात ठेवले असून, नवस सायास जोरदार सुरू आहेत. उमेश पाटील यांना खरोखर संधी मिळणार का याची उत्सुकता शिगेला पोहोचली आहे.