इस्लामपूर - महायुतीचा जागा वाटपाचा तिढा अद्याप कायम आहे. कृषीराज्यमंत्री सदाभाऊ खोत यांच्या रयत क्रांती संघटनेला चार जागा हव्या आहेत. त्यातील दोन जागा त्यांना मिळाल्या असून दोन जागाबाबत अद्याप निर्णय बाकी आहे.
याबाबत माहिती देताना श्री. खोत म्हणाले, रयत क्रांती संघटनेला शिवसेना भाजप महायुतीत अक्कलकोट व पंढरपूर हे दोन मतदार संघ सुटले आहेत, तर अजून साक्री व फलटण या दोन जागांवर रयत क्रांती संघटनेने दावा सांगितला आहे. या दोन्ही जागा आम्हाला मिळतील असा विश्वास यावेळी श्री. खोत यांनी व्यक्त केला.
खोत यांनी स्वाभिमानीचे प्रदेशाध्यक्ष रविकांत तुपकर यांना फोडून रयत क्रांती संघटनेत घेतल्याने खोत यांचे राज्यपातळीवर भाजपच्या गोटात जोरदार स्वागत झाले होते. त्यामुळे आणखी काही जागा रयत क्रांती संघटनेच्या पदरात पडु शकतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.