वालचंदनगर : ११ शेतकऱ्यांचे शेतमालाचे ४२ हजार रुपये हडप करण्यासाठी जबरी चोरीचा बनाव करुन पोलिसठाण्यात अज्ञात चोरट्यांच्या विरोधात खोटी फिर्याद दाखल करणाऱ्या पिकअप चालकासह चौघांजणाला वालचंदनगर पोलिसांनी अटक केली..याप्रकरणी पोलिसांनी मुख्य आरोपी पिकअपचालक गुणवंत पोपट रासकर, मारुती शिवदास करे, गणपत देवीदास पालखे, राजु श्रीमंत रासकर ( रा. सर्वजण, सराफवाडी) यांना वालचंदनगर पोलिसांनी अटक केली.वालचंदनगर पोलिसांनी दिलेल्या माहितीनूसार गुणवंत पोपट रासकर हा इंदापूर तालुक्यातुन शेतकऱ्यांच्या तरकारी,भाजीपाला घेवून निमगाव केतकीमधील व्यापाऱ्यांना देत होता.तसेच व्यापाऱ्यांनी दिलेले पैसे ही शेतकऱ्यांना घरी नेऊन देत होता..निमगाव केतकीमधील व्यापारी बापू बनकर व लखन चव्हाण यांच्याकडून गुणवंत रासकर हा ६ डिसेंबर रोजी शेतकऱ्यांच्या शेतमालाचे पैसे घेऊन निघाला होता. रात्री साडेदहा च्या सुमारास पिटकेश्वर जवळ चौघांनी अडवून दोन लाख रुपये जबरदस्तीने काढून नेल्याची तक्रार रासकर याने वालचंदनगर पोलिस ठाण्यात दाखल करण्यात केली होती. पोलिसांनी तातडीने तपासाला सुरवात केली.पिटकेश्वर परीसरातील सीसीटीव्ही फुटेज तपासल्यानंतर पोलिसांना संशय आला होता. गुणवंत रासकर यांना हॉस्पिटलमध्ये उपचारासाठी दाखल करणाऱ्या मारुती शिवदास करे, गणपत देवीदास पालखे या दाेघांकडे सलोख चौकशी करुन पोलिसी खाक्या दाखवल्यानंतर दोघांनी गुणवंत रासकर यांने चोरीचा बनाव केल्याचे सांगितले. .याप्रकरणी पोलिसांनी चौघांना अटक केली असून त्यांच्याकडून शेतकऱ्यांचे ४२४१० रुपये रक्कम जप्त केली.पुणे जिल्हाचे पोलिस अधिक्षक पंकज देशमुख, अतिरिक्त पोलिस अधिक्षक गणेश बिराजदार,उपविभागीय पोलिस अधिकारी डॉ.सुदर्शन राठोड, यांच्या मार्गदर्शनाखाली वालचंदनगर पोलिस ठाण्याचे सहायक पोलिस निरीक्षक राजकुमार डुणगे, पोलिस उपनिरीक्षक विजय टिळकीकर,पोलिस हवालदार गुलाबराव पाटील,शैलेश स्वामी, दादासाहेब डोईफोडे, दत्तात्रेय चांदणे, अजित राऊत, विक्रमसिंह जाधव, रणजित देवकर, जगदिश चौधर यांनी तपास करुन आरोपींना अटक केली..Ambad Harassment Case : अंबड शहरात तहसिल कार्यालयावर आक्रोश मोर्चा, जीवन संपविलेल्या पीडितेस न्याय मिळवून देण्याच्या मागणी.सीसीटीव्हीमुळे खरा प्रकार उघडकीस...आरोपी गुणवंत पोपट रासकर याने खोटी तक्रार देत असताना ६ डिसेंबर रोजी रात्री साडेदहा वाजता माझ्या पिकअप गाडीचा दुचाकीवरील चार चोरट्यांनी पाठलाग करुन माझी गाडी अडवली. व मला मारहाण करुन माझ्याकडील दाेन लाख रुपये चोरुन नेले असल्याची तक्रार दिली होती. वालचंदनगर पोलिसांना तक्रारीमध्ये संशय आला. एकाच गाडीवर चौघेजणांचा चोरीसाठी जाणे हे संशयास्पद वाटले. जबरी चोरीचा शोध लावण्यासाठी पोलिसांनी ५० पेक्षा अधिक सीसीटीव्ही तपासले. तपासामध्ये सीसीटीव्ही रासकर यांची एकच गाडी आढळली. त्याच्या पाठीमागुन कुठलीही दुचाकी गेले नसल्याचे निदर्शनास आले. पोलिसांनी सलोख तपास करुन आरोपींना खाक्या दाखवताच त्यांनी चोरीचा गुन्हा कबुल केला..खोटी माहिती देणाऱ्या दोघांना ही अटक...गुणवंत पोपट रासकर याने खोटी फिर्याद देण्यासाठी चाकुन हल्ला झाल्याचे भासवून रात्री इंदापूर उपजिल्हा रुग्णालयामध्ये उपचासाठी दाखल होण्याचे नाटक केले होते. यामध्ये मारुती शिवदास करे,गणपत देवीदास पालखे यांनी उपचारासाठी दवाखान्यामध्ये दाखल केले असे सांगितले होते. रासकर याचे कपडे फाटले होते.मात्र चाकु जखम अंगाला झाली नसल्याचे तपासात आढळल्यामुळे पोलिसांचा संशय बळकावला. याप्रकरणी रासकर याला मदत करणाऱ्या करे, पालखे यांना खाक्या दाखवताच त्यांनी रासकर याने पैसे हडप करण्यासाठी चोरीचा बनाव केल्याचे सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
