रुकडी - पंचगंगेला आलेल्या महापुरामुळे मिरज ते कोल्हापूर रेल्वे मार्गावरील वाहतूक पूर्णतः बंद आहे. रुकडी (ता. हातकणंगले) ते वळिवडे ( गांधीनगर ) या दरम्यानच्या पंचगंगा नदीवरील ब्रिटीशकालीन रेल्वेपुलाने धोक्याची पातळी ओलांडल्याने रेल्वे प्रशासनाने सर्व प्रकारची वहातूक थांबवली आहे.
आज (दि. ११) पुराचा सातवा दिवस असून, अजूनही पूराच्या पाण्याची पातळी ५२ फुटावर आहे. परंतू २००५ च्या पूरा वेळी ही पातळी ४५ फुटावर होती. म्हणजे अजूनही जवळपास सात फूट पाणी अधिक आहे.
रेल्वे पूलाच्या पूर्वेस रूकडी गांव असून, या भागातील दगडी पूल परिसरात रेल्वे ट्रॅक पाण्याखाली गेला होता. हीच अवस्था रेल्वे पूलाच्या पश्चिमेस चिंचवाड गेट अलिकडील रेल्वे ट्रॅक पाण्याखाली गेला होता. दोन्ही बाजूंच्या रूळाखालील स्लीपर खालील खडी पूर्णपणे वाहून गेली आहे. आज रेल्वे प्रशासनाने ट्रॅक दुरुस्तीचे काम युध्दपातळीवर हाती घेतले आहे. अशी माहिती रेल्वे प्रशासनाच्या वतीने ज्ञानेश्वर आंधळे यांनी दिली. श्रावणलाल भील, के. आर. डांगे, रूपसिंग राठोड, शंकर केसरकर, रेल्वे सुरक्षा दलाचे जवान व जवळपास २०० रेल्वे कामगार युद्धपातळीवर काम करत आहेत.
दरम्यान रेल्वे, एसटी सेवा बंद असल्याने काही प्रवासी मिरजेहून चक्क पायी कोल्हापुरला येत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
