पिंपरी-चिंचवडमध्ये शुक्रवारी १०५ नवीन रुग्ण; एकही मृत्यू नाही

पिंपरी, ता. २४ : शहरात शुक्रवारी १०५ रुग्ण आढळले. एकूण रुग्णसंख्या दोन लाख ७३ हजार २०४ झाली आहे. आज १०७ जणांना डिस्चार्ज देण्यात आला. बरे झालेल्या रुग्णांची संख्या दोन लाख ६८ हजार ४१३ झाली आहे. सध्या एक हजार ९५ सक्रिय रुग्ण आहेत.

आजपर्यंत शहरातील चार हजार ४२७ जणांचा मृत्यू झाला. सध्या रुग्णालयांत ३८१ रुग्ण उपचार घेत आहेत. ७१४ रुग्ण होम आयसोलेट आहेत. आजपर्यंत १८ लाख ४६ हजार ९३७ व्यक्तींना लस दिली आहे. शहरात सध्या ४४ मेजर व ४१५ मायक्रो कंटेन्मेंट झोन आहेत. स्वयंसेवकांनी आज ६०६ घरांना भेट दिली. दोन हजार २१४ जणांची तपासणी करण्यात आली.