पिंपरी-चिंचवडमध्ये आज 11 रुग्णांचा मृत्यू, तर 1105 नवीन रुग्ण

सकाळ वृत्तसेवा
Thursday, 27 August 2020

कोरोना संसर्ग झाल्याने शहरातील वेगवेगळ्या रुग्णालयात उपचार घेणाऱ्या 11 जणांचा आज मृत्यू झाला.

पिंपरी : कोरोना संसर्ग झाल्याने शहरातील वेगवेगळ्या रुग्णालयात उपचार घेणाऱ्या 11 जणांचा आज मृत्यू झाला. त्यात तीन महिला व आठ पुरुषांचा समावेश आहे. आजपर्यंत एकूण 850 जणांचा मृत्यू झाला आहे.

ताज्या बातम्यांसाठी डाऊनलोड करा ई-सकाळचे ऍप 

पिंपरी-चिंचवडच्या बातम्या वाचण्यासाठी येथे ► क्लिक करा

पिंपरी-चिंचवड शहरात आज 1105 जणांना संसर्ग झाल्याचे आढळून आले. त्यामुळे एकूण रुग्ण संख्या 45 हजार 510 झाली आहे. आज 727 रुग्णांना डिस्चार्ज देण्यात आला. त्यामुळे कोरोनामुक्त झालेल्या रुग्णांची संख्या 31 हजार 863 झाली आहे. सध्या 12 हजार 797 जणांवर उपचार सुरू आहेत.

आज मयत झालेल्या व्यक्ती निगडी (पुरूष वय 84), मोशी (स्त्री वय 65), सांगवी (स्त्री वय ५४, पुरुष वय 72, पुरुष वय 79), दापोडी (पुरुष वय 83), रावेत (पुरुष वय 65), भोसरी (पुरुष वय 54, स्त्री वय 68), पिंपरी (पुरुष वय 83), तळेगाव (पुरुष वय 56) येथील रहिवासी आहेत.

पावसाळा सुरू झालेला असल्यामुळे वैद्यकिय विभाग, पिंपरी-चिंचवड महापालिकेमार्फत सर्व नागरिकांना आवाहन करण्यात येते की, अत्यावश्यक कारणाशिवाय घराच्या बाहेर पडू नये. तसेच पावसाच्या पाण्यामुळे मास्क ओला होणार नाही याची काळजी व दक्षता घ्यावी यासाठी किमान एक तरी अतिरिक्त (Extra) मास्क जवळ बाळगावा.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 11 corona patients death in pimpri chinchwad