पिंपरी-चिंचवड शहरात शुक्रवारी १७३ नवीन रुग्ण

पिंपरी - पिंपरी-चिंचवड शहरात (Pimpri Chinchwad City) शुक्रवारी १७३ रुग्ण (Corona Patients) आढळले. एकूण रुग्णसंख्या दोन लाख ६९ हजार दोन झाली आहे. आज ११६ जणांना डिस्चार्ज देण्यात आला. बरे झालेल्या एकूण रुग्णांची संख्या दोन लाख ६३ हजार ४३४ झाली आहे.

सध्या एक हजार ४०५ सक्रिय रुग्ण आहेत. आजपर्यंत शहरातील चार हजार ३९३ जणांचा मृत्यू झाला आहे. सध्या रुग्णालयांत ५८१ रुग्ण उपचार घेत आहेत. ८२४ रुग्ण होम आयसोलेट आहेत. आजपर्यंत १३ लाख ८७ हजार ५०० व्यक्तींना लस देण्यात आली आहे.

शहरात सध्या ३६ मेजर व ३८४ मायक्रो कंटेन्मेंट झोन आहेत. कंटेन्मेंट झोनमधील ४३० घरांना आज स्वयंसेवकांनी भेट दिली. एक हजार ६९२ जणांचे विलगीकरण करण्यात आले.