पिंपरी-चिंचवडमध्ये आज २२४ नवीन रुग्ण; पाच रुग्णांचा मृत्यू

पिंपरी - शहरात शनिवारी २२४ रुग्ण (Corona Patient) आढळले. एकूण रुग्णसंख्या दोन लाख ५१ हजार ९६७ झाली आहे. आज २३३ जणांना डिस्चार्ज (Discharge) देण्यात आला. बरे झालेल्या एकूण रुग्णांची संख्या दोन लाख ४४ हजार ८०९ झाली आहे.

सध्या तीन हजार सात सक्रिय रुग्ण आहेत. आज शहरातील पाच रुग्णांचा मृत्यू झाला. आजपर्यंत शहरातील चार हजार १५१ जणांचा मृत्यू झाला आहे. सध्या रुग्णालयांत दोन हजार सात रुग्ण उपचार घेत आहेत. एक हजार रुग्ण होम आयसोलेट आहेत.

आजपर्यंत पाच लाख आठ हजार ५८० व्यक्तींना लस देण्यात आली आहे. शहरात सध्या १३० मेजर कंटेन्मेट झोन आहेत. ७९५ मायक्रो कंटेन्मेंट झोन आहेत. कंटेन्मेंट झोनमधील एक हजार ३६७ घरांना आज स्वयंसेवकांनी भेट दिली. पाच हजार ६२८ जणांचे विलगीकरण करण्यात आले.