पिंपरी : येरवडा येथील तात्पुरत्या कारागृहाचे गज कापून पळालेल्या पाचपैकी एका आरोपीला जेरबंद करण्यात वाकड पोलिसांना यश आले आहे. ही कारवाई थेरगाव येथे करण्यात आली.
सनी टायरन पिंटो (वय 21, रा. पानसरे कॉलनी, पडवळनगर, थेरगाव) असे जेरबंद केलेल्या आरोपीचे नाव आहे. पिंटो याच्यासह देवगण अजिनाथ चव्हाण, गणेश अजिनाथ चव्हाण (दोघेही रा. बोराकवेनगर, दौंड), अक्शा उर्फ अक्षय कोडक्या चव्हाण (रा. लिंगाळी माळवाडी, दौंड), अजिंक्य उत्तम कांबळे (रा. सहकारनगर, टिळेकरवाडी, ता. हवेली) हे पाच जण येरवडा येथील तात्पुरत्या कारागृहातून गुरुवारी (ता. 15) पहाटे साडेतीनच्या सुमारास पोलिसांची नजर चुकवित खोलीचे गज कापून पळून गेले.
देवगण चव्हाण, गणेश चव्हाण व अक्षय चव्हाण हे तिघेही दौंड तालुक्यातील अट्टल गुन्हेगार असून, त्यांच्यावर दौंडसह पुणे व नगर जिल्ह्यात गंभीर गुन्हे दाखल आहेत. तर अजिंक्य कांबळे हा लोणी काळभोर पोलिस ठाण्याच्या हद्दीतील अट्टल गुन्हेगार असून, त्याच्यावर खंडणी, खुनाचा प्रयत्न असे गुन्हे दाखल आहेत. तर सनी पिंटो याच्यावरही वाकड पोलिस ठाण्यात घरफोडीचे गुन्हे दाखल आहेत.
पिंपरी-चिंचवडच्या बातम्या वाचण्यासाठी येथे ► क्लिक करा
दरम्यान, कारागृहात पळालेल्या पाच आरोपींपैकी पिंटो हा थेरगावातील केजुबाई बंधाऱ्याच्या पाठीमागे येणार असल्याची माहिती पोलिसांना मिळाली. त्यानुसार त्याठिकाणी सापळा रचून पोलिसांनी त्याला ताब्यात घेतले. त्यानंतर आरोपी पिंटो याला पुढील तपासासाठी येरवडा पोलिसांच्या ताब्यात देण्यात आले. ही कारवाई वरिष्ठ निरिक्षक विवेक मुगळीकर, सहायक निरिक्षक हरिष माने, प्रशांत गिलबिले, बाबाजान इनामदार, बापूसाहेब धुमाळ, जावेद पठाण, विक्रम जगदाळे, विजय गंभीरे, विक्रम कुदळ, सचिन नरुटे, प्रमोद कदम, नितीन गेंगजे, दीपक भोसले, शाम बाबा, तात्या शिंदे यांच्या पथकाने केली.
Edited by : Shivnandan Baviskar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.