पिंपरी : चिंचवड येथील तालेरा रुग्णालयात ‘आयसीयू’ आणि ‘एनआयसीयू’सह विविध विभाग अखेर सुरू झाले आहेत. याविषयी ‘सकाळ’ने वेळोवेळी बातम्या देऊन नागरिकांच्या सोईसाठी पाठपुरावा केला होता..या रुग्णालयाच्या नव्या इमारतीचे उद्घाटन सहा महिन्यांपूर्वीच झाले होते. त्यानंतर अनेक विभाग कार्यान्वित झाले नव्हते. परिणामी, गरजू रुग्णांना ‘वायसीएम’ किंवा खासगी रुग्णालयांत जाणे भाग पडत होते. यात रुग्ण आणि त्यांच्या कुटुंबीयांना शारीरिक त्रासाबरोबरच आर्थिक भार सोसावा लागत होता. याबाबत ‘सकाळ’ने २७) जुलै रोजी ‘उद््घाटनाचा थाट, पण सुविधांवर काट’ अशा मथळ्याची बातमी प्रसिद्ध केली होती. त्यानंतर २६ ऑगस्टच्या अंकात ‘एनआयसीयू’ विभाग सुरू झाला नसल्याचे वृत्त देण्यात आले होते..महापालिकेच्या प्रशासनाने अखेर याची दखल घेत कार्यवाही केली. त्यामुळे स्थानिक नागरिकांना दिलासा मिळाला आहे. अनेक नागरिकांच्या केलेल्या मागण्यांची प्रशासनाला दखल घ्यावी लागली. स्थानिक नागरिकांनी या निर्णयाचे स्वागत केले असून, रुग्णालय प्रशासन आणि महापालिकेने पुढेही सर्व सुविधा सातत्याने उपलब्ध ठेवाव्यात, अशी अपेक्षा व्यक्त केली आहे..रुग्णालयाचे प्रमुख डॉ. संजय सोनेकर यांनी सांगितले की ‘‘येत्या काही दिवसांत तालेरा रूग्णालयात ऑर्थोपेडिक आणि शस्त्रक्रिया विभागही सुरू केले जातील. त्यामुळे रुग्णांना एकाच ठिकाणी सर्वसमावेशक आरोग्यसेवा मिळेल.’’.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
