'थेरगाव क्वीन'सोबत धमकी व अश्लील व्हिडीओ बनविणारा अटकेत

पिंपरी - स्वयंघोषित थेरगाव क्वीनसोबत (Thergaon Queen) धमकी व अश्लील शिव्यांचा व्हिडिओ (Video) बनवणाऱ्या कुणाल कांबळे (Kunal Kambale) याला वाकड पोलिसांनी अखेर अटक (Arrest) केली. पोलिस ठाण्यात आणताच दोन्ही हात जोडून पुन्हा असे व्हिडीओ तयार करणार नाही, सॉरी, असे म्हणत त्याने माफी (Sorry) मागितली. या प्रकरणात दोन मुलींना यापूर्वीच पोलिसांनी अटक केली आहे.

अश्लील भाषेचा वापर करून तयार केलेले व्हिडीओ सोशल मीडियावर अपलोड करून या टोळीने अक्षरश धुमाकूळ घातला. विविध स्तरातून संताप व्यक्त केला गेला. दरम्यान, याप्रकरणी वाकड पोलिस ठाण्यात स्वयंघोषित थेरगाव क्वीन साक्षी हेमंत श्रीश्रीमल (रा. थेरगाव) व साक्षी राकेश कश्यप (रा. चिंचवड ) व कुणाल कांबळे (रा. गणेश पेठ ) यांच्यावर गुन्हा दाखल झाला. यातील साक्षी श्रीश्रीमल व साक्षी कश्यप यांना तातडीने अटक केली. मात्र, कुणाल कांबळे फरारी होता. त्यालाही गुरुवारी पोलिसांनी अटक केली.

त्याने दोन्ही हात जोडून पुन्हा असे व्हिडीओ तयार करणार नाही, सॉरी, असे म्हणत सर्वांची माफी मागितली. वाकड पोलिस अधिक तपास करीत आहेत.