Bhosari : मटण कमी पडलंय, बिर्याणी मागवा...आखाड पार्टी, कार्यकर्त्यांबरोबरच हॉटेल व्यावसायिकांना सुगीचे दिवस

गेल्या दोन वर्षांपासून लांबणीवर पडलेल्या महापालिका निवडणुकीमुळे इच्छुक उमेदवारांनी खर्चावर बंधने आणली होती.
Bhosari
Bhosari Sakal

Bhosari - गेल्या काही महिन्यांपासून काहीशा अडगळीत पडलेल्या कार्यकर्त्याला आखाडाच्या निमित्ताने पुन्हा सुगीचे दिवस आले आहेत. ‘निवडणूक होईल, तेव्हा होईल पण यंदाचा आखाड जोरात झाला पाहिजे’ असं म्हणून अनेक कार्यकर्ते इच्छुकांच्या खनफटीला बसले आहेत.

त्यामुळे इच्छुकांनीही आखाडामुळे हात आखडता न घेता, सैल सोडला आहे. त्यामुळे कार्यकर्त्यांबरोबरच हॉटेल व्यावसायिक, ढाबा चालक, केटरर्स यांच्या दुधात साखर पडली आहे.

Bhosari
Mumbai News : लांब पल्याच्या प्रवास आणखी सुरक्षित; २०४ मेल-एक्सप्रेसमध्ये लागले स्मोक डिटेक्टर!

गेल्या दोन वर्षांपासून लांबणीवर पडलेल्या महापालिका निवडणुकीमुळे इच्छुक उमेदवारांनी खर्चावर बंधने आणली होती. निवडणुका निश्चित झाल्याशिवाय ‘खर्च नको रे बाबा’ ही भूमिका त्यांनी घेतली होती. मात्र, पुन्हा आखाडाच्या निमित्ताने त्यांना कार्यकर्ते व हितचिंतकाचे फोन खणखणू लागले आहेत. त्यामुळे अनेक इच्छुकांनी आपल्या निर्णयात बदल केल्याचे जाणवत आहे.

आखाड पार्ट्यांमुळे परिसरातील मंगल केंद्रे, हॉटेलमधून जेवणावळींना बहर आला आहे. मात्र, एका निरोपामागे चारजण येऊन संख्या वाढत असल्याने नियोजन बिघडत असल्याच्या गमती जमतीही घडत आहेत.

त्यातूनच ‘हॅलो, नेते मटण कमी पडलंय, पंगत बसलीय बिर्याणी मागवा’ असेही निरोप दिले जात आहेत. केटरर्स, हॉटेल व्यावसायिक, चिकन- मटण दुकानदारांना किलोच्या दरावर शंभर शंभर किलोच्या ऑर्डर मिळत आहेत.

Bhosari
Mumbai News : लांब पल्याच्या प्रवास आणखी सुरक्षित; २०४ मेल-एक्सप्रेसमध्ये लागले स्मोक डिटेक्टर!

मद्याचा महापूर

आखाड पार्टीसोबत मद्यही द्यावे लागत असल्याने इच्छुकांच्या खिशाला झळ सोसावी लागत आहे. ‘नुसतं कोरडं नको, ओलंही पाहिजे.’ असा सूर निघत असल्याने जेवणावळीसाठी मटणासह मद्याची व्यवस्थाही इच्छुकांना करावी लागत आहे. प्रत्यक्ष आखाडपार्टीत ‘तुम्हीच निवडून येणार, त्यासाठी आम्ही जिवाचं रान करणार’ असं आश्‍वासन देऊन कार्यकर्ते इच्छुकांना हरभऱ्याच्या झाडावर बसवत आहेत.

Bhosari
Pune Traffic : पुणे शहरातील नेहमीच्याच वाहतूक कोंडीने येवलेवाडी, सासवडकर बेजार

सध्या सगळीकडेच आखाड पार्ट्यांचं वारं सुटलंय. आम्ही कार्यकर्तेही एकमेकांना फोनवर निरोप देऊन रविवारी भेटलो. एरवीही कामाच्या रगाड्यात असलेली मित्रमंडळी अशा ठिकाणी भेटल्यावर एकमेकांना आग्रह करणे, क्रमप्राप्त होते. त्यातून अंदाज चुकल्याने ऐनवेळी पर्यायी व्यवस्थाही करावी लागली.

- एक कार्यकर्ता,

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com