चिंताजनक : पुण्यातील दोघींचा पिंपरी-चिंचवडमध्ये मृत्यू

पिंपरी : पिंपरी- चिंचवड महापालिकेच्या वायसीएम रुग्णालयात उपचार सुरू असलेल्या पुण्यातील दोन महिलांचा बुधवारी (ता. 6) मृत्यू झाला. त्या शिवाजीनगर आणि येरवड्यातील रहिवासी होत्या. 

ताज्या बातम्यांसाठी डाऊनलोड करा ई-सकाळचे ऍप

मोशी, पिंपळेगुरव, चिंचवड स्टेशन, मोहननगर परिसरातील रुग्णांचे अहवाल पॉझिटिव्ह आले.  त्यामुळे दिवसभरात 12 नवीन रुग्णांची भर पडली. त्यामुळे मोशी, मोहननगर, काळेवाडीतील काही परिसर सील करण्यात आला.  

पिंपरी चिंचवडच्या बातम्या वाचण्यासाठी येथे ► क्लिक करा

महापालिका वैद्यकीय विभागाने मंगळवारी (ता. 5) 204 व्यक्तींचे नमुने तपासणीसाठी पाठविले होते. त्यामध्ये मोशी, मोहननगर येथील 33, 33 व 52 वर्षीय पुरुषांचे आणि पुणे-येरवडा येथील 48 वर्षीय महिलेचेही रिपोर्ट सकाळी पॉझिटिव्ह आले होते. तर, सिंहगड रोड परिसरातील व्यक्ती वायसीएम रुग्णालयात उपचार घेत होती. त्यांचा चौदा दिवस उपचारानंतरच्या तपासणीचा अहवाल निगेटिव्ह आला. त्यामुळे त्यांना घरी सोडण्यात आले.

असे आहेत रुग्ण

- पिंपरी-चिंचवड शहरातील रुग्णालयात दाखल पॉझिटिव्ह : 154

- आजपर्यंत बरे होऊन घरी गेलेले एकूण :  63 (शहरातील 60 व 
शहराबाहेरील 3)
- महापालिका रुग्णालयात उपचार सुरू असलेले : 73

- शहरातील रहिवासी परंतु, शहराबाहेर उपचार घेणारे : 9

- शहराबाहेरील परंतु, पिंपरी-चिंचवड महापालिकेच्या रुग्णालयात उपचार घेणारे : 9

पिंपरी चिंचवडच्या बातम्या वाचण्यासाठी येथे ► क्लिक करा

मोशी, मोहननगर, काळेवाडी सील

- मोशीतील वुड्सव्हिले सोसायटी बॉर्डर- वुड्सव्हिले रोड व ऑफीस- साई फ्रॅब्रोटेक- हॉटेल शेअरिंग स्पून- आर्या हॉस्पीटल- डीपी रोड.

- मोहननगर चिंचवड येथील श्रीराम सुपर मार्केट- श्रीराम मेडिकल शॉप व चौक- टाटा मोटर्स सर्व्हिसिंग सेंटर- वसंत इंडस्ट्रीज- चिंचवड स्टेशन ते केएसबी चौक रोड- जम्बो किंग हॉटेल- एचडीएफसी बँक एटीएम- राष्ट्रमाता जिजाऊ मंगल कार्यालय. 

- काळेवाडी फाटा- भारत गॅस- सेंट अल्फोन्सो स्कूल- फेडरल बँक- संत मदर तेरसा उड्डाणपूल पवना नदी- काळेवाडी पिंपरी पूल- सेवा विकास को-ऑपरेटिव्ह बँक- पोलिस चौकी- काळेवाडी फाटा.