पुणे : मीटरचे रीडिंग न पाठवणाऱ्या वीजग्राहकांना असा बसेल 'झटका'

पिंपरी : लॉकडाउनमुळे महावितरणने गेल्या दोन महिन्यांपासून वीजग्राहकांना स्वतःहून मीटरचे रीडिंग पाठविण्याचे आवाहन केले होते. मात्र, पुरेशा जागृतीअभावी लाखो ग्राहकांनी अद्याप रीडिंग पाठविलेच नाही. पुणे परिमंडलातील केवळ दोन टक्केच ग्राहकांनीच रीडिंग पाठविले. परिणामी उर्वरित ग्राहकांना जादा वीजबिलाचा 'शॉक' बसण्याची शक्‍यता नाकारता येत नाही.

ताज्या बातम्यांसाठी डाऊनलोड करा ई-सकाळचे ऍप

कोरोनाचा वाढता प्रादुर्भाव पाहता प्रत्यक्ष जाऊन मीटर रीडिंग घेण्याची प्रक्रिया तात्पुरती बंद केली आहे. बिलांची छपाई करणे व त्याचे वितरण करणेदेखील बंद केले आहे. वीजग्राहकांनी स्वतःहून मीटरचे रीडिंग पाठविले आहे. त्यांना प्रत्यक्षात केलेल्या वीजवापरानुसार अचूक वीजबिल दिले आहे. मेमध्ये पहिल्यांदाच चालू रीडिंग पाठविणाऱ्या ग्राहकांना एप्रिलच्या बिलातील सरासरी युनिट व रक्कम भरली असल्यास त्याचेही समायोजन करण्यात येत आहे.

• पुणे परिमंडलमधील ग्राहक : 29 लाख 26 हजार 
• रीडिंग पाठविणारे : 69 हजार 912 
• टक्के : 2.38

पिंपरी चिंचवडच्या बातम्या वाचण्यासाठी येथे ► क्लिक करा

परिमंडलातील भाग : पुणे, पिंपरी चिंचवड शहर, मुळशी, मावळ, खेड, आंबेगाव, जुन्नर, वेल्हे

यावर पाठवा मीटर रीडिंगचा फोटो : www.mahadiscom.in

महावितरण ऍप

नोंदणी केलेल्या मोबाईलवर महावितरणकडून 'एसएमएस' पाठविला जातो. त्यात मीटर रीडिंग पाठविण्याची मुदत नमूद केली जाते.

पुण्याच्या बातम्या वाचण्यासाठी येथे ► क्लिक करा 

अशी आहे सूट

सर्व ग्राहकांना एप्रिलच्या प्रत्यक्ष वीजवापरानुसार बिले दिली आहेत. मात्र, ज्या ग्राहकांनी एप्रिलमध्ये रीडिंग न पाठवता मेमध्ये चालू मीटर रीडिंग पाठविले त्यांना एप्रिल व मेचे प्रत्यक्ष वापरानुसार बिल देण्यात येत आहे. या बिलामध्ये एप्रिलचे सरासरी युनिट वगळण्यात येत आहे. ग्राहकांनी एप्रिलचे सरासरी बिल भरले असल्यास त्यातील "फिक्‍स्ड चार्जेस'ची रक्कम वगळता उर्वरित रक्कमसुद्धा मेच्या बिलात समायोजित करण्यात येत आहे. तसेच स्लॅब बेनिफिटदेखील देण्यात येत आहे. मात्र, रीडिंग उपलब्ध नसल्यास सरासरी बिल पाठविण्यात येईल असे जनसंपर्क अधिकारी निशिकांत राऊत यांनी सांगितले.

येथे करा मोबाईल नोंदणी : मोबाईल : 9930399303

असा पाठवा मॅसेज : MREG (स्पेस) (बारा अंकी ग्राहक क्रमांक) 

कॉल सेंटर : 1912, टोल फ्री : 18001023435,18002333435

मोबाईल क्रमांक नोंदलेले ग्राहक

• भोसरी, पिंपरी विभाग : 6 लाख 15 हजार
• मुळशी, वेल्हे, मावळ, जुन्नर, आंबेगाव व खेड : 6 लाख 83 हजार 968