Crime News : पोलिस उपनिरीक्षकाने मागितली लाच; लाचलुचपत प्रतिबंधक विभागाची कारवाई

पिंपरी : पिंपरी पोलिस ठाण्यात दाखल असलेल्या तक्रारी अर्जावरून आरोपी न करण्यासाठी लाचेची मागणी केल्याप्रकरणी पोलिस उपनिरीक्षकावर लाचलुचपत प्रतिबंधक विभागाने गुन्हा दाखल केला आहे.

रोहित डोळस (वय ३१) असे लाच मागणाऱ्या उपनिरीक्षकाचे नाव आहे. पिंपरी पोलिस ठाण्यात एक तक्रारी अर्ज दाखल आहे. त्या अर्जावरून तक्रारदाराच्या भावास आरोपी न करण्यासाठी तसेच प्राप्त झालेला अर्ज हा दिवाणी बाब म्हणून फाईल करण्यासाठी डोळस यांनी तीन लाख रूपयाच्या लाचेची मागणी केली.

तडजोडीअंती दोन लाख रूपयांची मागणी केली. याबाबत लाचलुचपत प्रतिबंधक विभागाकडे तक्रार दिली. तक्रारीची पडताळणी केली असता डोळस हे लाचेची मागणी करीत असल्याचे स्पष्ट झाले. त्यानुसार शुक्रवारी गुन्हा दाखल करण्यात आला. अधिक तपास सुरु आहे.