देहू (पुणे) : देहूरोड कँटोन्मेंट बोर्डाच्या हद्दीत दिवसेंदिवस कोरोनाबाधित रुग्णांची संख्या वाढत आहे. या पार्श्वभूमीवर देहूरोड कँटोन्मेंट बोर्डाला स्वयंसेवक नेमावयाचे आहेत. ज्या इच्छूक व्यक्तींना स्वयंसेवक म्हणून काम करायाचे आहे, अशा व्यक्तींनी बोर्ड कार्यालयास आपले नाव कळवावे, असे आवाहन देहूरोड कँटोन्मेंट बोर्ड प्रशासनाने प्रसिद्धीपत्रकाद्वारे केले आहे.
देहूरोडमध्ये आतापर्यंत 88 कोरोनाबाधित आढळले आहेत. त्यापैकी 42 रुग्णांना उपचार करून घरी सोडण्यात आले आहे. तर चार जणांचा मृत्यू झाला. दिवसेंदिवस ही संख्या वाढत आहे. त्यामुळे गुरुवारी (ता.16) बोर्डाने प्रसिद्धीपत्रक काढले आहे. यात कोरोनाच्या रुग्णांवर लक्ष ठेवणे, कोरोनाबाधित रुग्णांच्या संपर्कातील व्यक्तींचा शोध घेणे, रुग्णांना बाहेर फिरण्यास मज्जाव करणेसाठी स्वयंसेवकांची नेमणूक करण्यात येणार आहे. वार्डातील इच्छूक नागरिक, राजकीय पक्षाचे पदाधिकारी, स्वयंसेवी संस्थांनी आपले चार ते पाच स्वयंसेवकांची नावे बोर्डास कळविण्याचे आवाहन केले आहे. स्वयंसेवकांना बोर्डाच्या वतीने प्रशिक्षण, मास्क, ओळखपत्र देण्यात येईल, असे बोर्डाचे मुख्य कार्यकारी अधिकारी रामस्वरूप हरितवाल यांनी आवाहन केले आहे.
झेंडेमळा, गांधीनगरमध्ये मायक्रो कंटेन्मेंट झोन
देहूरोड कँटोन्मेंट बोर्डाच्या हद्दीतील गांधीनगर, झेंडेमळा या भागात प्रत्येकी आठ, असे एकूण सोळा जणांचा कोरोनाचा अहवाल गुरुवारी (ता.16) पॅाझिटिव्ह आला आहे. त्यामुळे या भागात पुढील चौदा दिवस मायक्रो कंटेन्मेंट झोन म्हणून जाहीर करण्यात आला आहे. या बाबतचे प्रसिद्धीपत्रक बोर्डाने गुरुवारी रात्री उशिरा प्रसिद्ध केले आहे. त्यामुळे या भागात नागरिकांना खबरदारी घेण्याचे आवाहन बोर्ड प्रशासनाने केले आहे.
Edited by : Shivnandan Baviskar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.