पिंपरी : पिंपरी-चिंचवड कर्मचारी महासंघात जातीभेद, एकाधिकारशाही, दडपशाही असल्याचा गंभीर आरोप महासंघाचे उपाध्यक्ष अभिमान भोसले यांनी केला आहे. परिणामी महासंघातील पदाधिकाऱ्यांशी आपले वैचारिक मतभेद निर्माण झाले आहेत. त्यामुळे माझा बनावट राजीनामा तयार करून बदनामी करण्यात येत आहे. त्याला भोसले यांनी हरकत घेत नामंजूर करण्याची मागणी अप्पर कामगार आयुक्तांकडे केली आहे.
अप्पर कामगार आयुक्त यांना दिलेल्या पत्रात भोसले यांनी म्हटले आहे, "महापालिकेच्या महासंघात सात हजार कर्मचारी आहेत. कर्मचारी महासंघाची निवडणूक 11 जानेवारी 2020 रोजी झाली. त्यात उपाध्यक्षपदासाठी बहुमताने निवडून आलो. महासंघ निवडणुकीनंतर एका कर्मचाऱ्याला महापालिका कामात हलगर्जीपणा केला, म्हणून निलंबित केले. यात महासंघाची नाहक बदनामी होत असल्याने अध्यक्षांनी सर्व पदाधिकाऱ्यांचे राजीनामे लिहून घेतले."
पिंपरी चिंचवडच्या बातम्या वाचण्यासाठी येथे ► क्लिक करा
मी राजीनामा देताना फक्त नाव, पत्ता दिला होता, त्यावर मी स्वाक्षरी केली नव्हती. मात्र, माझी बनावट स्वाक्षरी करून राजीनामा अप्पर आयुक्तांकडे दिला आहे. तसेच मी राजीनामा दिला आहे, असा प्रचार सर्वत्र करून माझी बदनामी केली जात आहे. त्यामुळे माझी व मला निवडून देणाऱ्या सभासदांची ही फसवणूक आहे. राजीनामा दस्तावरील माझी स्वाक्षरी पडताळणी केली असता ती बनावट असल्याची खात्री पटेल, असे भोसले यांनी म्हटले आहे.
पुण्याच्या बातम्या वाचण्यासाठी येथे ► क्लिक करा
ते पुढे म्हणाले, "महासंघात निवडून आलेल्या पदाधिकारी व सदस्यांत कर्मचाऱ्यांना मारहाण, दमबाजी व जीवे मारण्याची धमकीच्या तक्रारी आहेत. त्यामुळे त्यांनी सादर केलेला राजीनामा फसवणूक करून दिलेला असल्याने तो मंजूर करू नये, अशी विनंती केली आहे. महासंघाचे सदस्य वाहन चालक विनोद कुसाळकर यांनी नगरसचिव विभागाकडे अर्ज केला आहे, की महासंघाच्या पदाधिकाऱ्यांकडून धमकी देण्याचा प्रकार घडत आहे, त्यांच्यापासून माझ्या जिवाला धोका असल्याची भीती त्यांनी व्यक्त केली आहे.
"माझ्याकडे अद्याप भोसले यांचा राजीनामा आलेला नाही. आम्ही कुणीही त्यांची बदनामी करत नाहीत. या प्रकरणाची अधिकची माहिती घेऊन सांगतो."
- अंबर चिंचवडे, अध्यक्ष, महापालिका कर्मचारी महासंघ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.