Video : पिंपळे गुरवमधील 'या' उद्यानाचे सौंदर्य बघण्याची संधी होती, मात्र...

नवी सांगवी ( पुणे ) : पिंपळे गुरव येथील राजमाता जिजाऊ उद्यानाचे सृष्टी सौंदर्य चांगलेच फुलले आहे. मागील दीड महिन्यांपासून देशात लॉकडाउन असल्यामुळे प्रदूषण पातळी पूर्णपणे खाली आली आहे. परिणामी सर्वच ठिकाणचे नैसर्गिक सृष्टी सौंदर्य खुलले असल्याने पिंपळे गुरव येथील हे उद्यान त्याला अपवाद कसे ठरेल.

ताज्या बातम्यांसाठी डाऊनलोड करा ई-सकाळचे ऍप

नऊ एकरातील हे उद्यानाचे दुबईच्या धर्तीवर मिरॅकल गार्डनमध्ये नुतनीकरण करण्यात येत आहे. मागील तीन वर्षांपासून हे नुतनीकरण सुरू असून, ते कोणत्या ना कोणत्या कामामुळे मागे पडत होते. या बाबत 'सकाळ'ने वेळोवेळी पाठपुरावाही केला. त्याचा परिणाम म्हणून यंदाच्या मे महिन्यात हे उद्याने पूर्णत्वाला येऊन सामान्यांसाठी खुलेही होणार होते. त्याप्रमाणे त्याचे कामही वेगात सुरू होते. बागकाम, फुलझाडे, जॉगिंग ट्रॅक, डायनोसॉरचे रंगकाम, सिव्हिल वर्क यासारखे ऐंशी टक्के काम पूर्ण झाले होते. 

पुण्याच्या बातम्या वाचण्यासाठी येथे ► क्लिक करा

केवळ विद्युत विभागाचे क्षुल्लक काम राहिले होते. परंतु, अचानक हे कोरोनाचे संकट आल्यामुळे काम रखडले. असे असले तरी येथील झाडेझुडपांना नियमित पाणी व त्यांची देखभाल सुरू आहे. त्यातच लॉकडाउनमुळे बागेत सामान्य नागरिकांना मनाई असल्याने हे उद्यान चांगलेच फुलले आहे.

पुण्याच्या बातम्या वाचण्यासाठी येथे ► क्लिक करा

येथील फ्लॉवर बेड, हिरवळ, फुलझाडे, जॉगिंग ट्रकवरील दीर्घायुषी झाडे चांगलेच टवटवीत झाले आहेत. त्यामुळे हे उद्यानाचा लुक एखाद्या हिलस्टेशन सारखा झाला आहे. ऐन उन्हाळ्यातील चाळीस डीग्री तपमानातसुध्दा येथील झाडेझुडपांवर सुर्याची लंबरूप किरणे चमचम करीत आहेत. बालचमुंचे खास आकर्षण असणारा डायनोसॉरची प्रतिकृतीमुळे हे उद्यान ज्युरासिक पार्कसारखेच दिसत आहे.