पिंपरी : ती एकटीच. पाच वर्षांची. सीनियर केजीत शिकणारी. काकांनाही दोन्ही मुली. त्यामुळे घरात भाऊ नाहीच. मग, राखी बांधायची कोणाला? त्यामुळे मनातून ती जरा खट्टू झाली. आई व मावशीने समजूत काढली. झाडे, फुले, प्राणी, पक्षी यांचे महत्त्व सांगितले. तिने आता वडाचे रोप आणून देण्याचा आग्रह धरला. आजोबांनीही तिचा बालहट्ट पुरवून रोप आणून दिले.
घरासमोरच्या मोकळ्या जागेत वडाचे रोप लावून तिने त्यालाच भाऊ मानून राखी बांधली. निगडी-प्राधिकरणातील रेलविहार सोसायटीतील मनस्वी शिनकर असे तिचे नाव.तिचे वडील शैलेश यांचा व्यवसाय असून आई शर्मिला गृहिणी आहे. रक्षाबंधनाच्या दिवशी राखी कोणाला बांधू असे म्हणत ती हट्ट करू नागली.
तिची व मावशी मोहिनी कोतकर यांनी तिची समजूत काढली आणि वडाचे रोप लावून तिने त्याला राखी बांधली. मनस्वी म्हणाली, ‘‘वडाचे झाड आपल्याला ऑक्सिजन देते. आपले रक्षण करते. म्हणून वडाच्या झाडालाच राखी बांधली. झाडे मी लावणार आहे. ‘झाडं लावा रे झाडं लावा रे...’ म्हटल्यास सर्व झाडे झिंगझिंगाट होतील. मग आपल्याला ऑक्सिजन कमी पडणार नाही.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
