पिंपरी : माजी नगरसेवकाच्या मुलाला तलवारीने मारहाण

पिंपरी - एका माजी नगरसेवकाच्या (Corporator) मुलाला (Son) दुसऱ्या माजी नगरसेवकाच्या मुलासह सहा जणांच्या टोळक्याने तलवारीने (Sword) मारहाण (Beating) केली. यामध्ये माजी नगरसेवकाच्या मुलाला पोलिसांनी अटक केली. हा प्रकार चिंचवडगावातील भोई आळीमध्ये घडला.

प्रशांत नागेश आगज्ञान (वय ४४, रा. भोई आळी, चिंचवड) व त्याचा मित्र अक्षय सूर्यवंशी अशी जखमींची नावे आहेत. याप्रकरणी सूरज हरिभाऊ तिकोणे (वय २७, रा. दत्तनगर, थेरगाव) याला अटक केली असून त्याच्या सहा साथीदारांवर गुन्हा दाखल आहे. प्रशांत भाजपचे माजी नगरसेवक नागेश आगज्ञान यांचा मुलगा आहेत. तर सूरज माजी नगरसेवक हरिभाऊ तिकोणे यांचा मुलगा आहे. शनिवारी (ता. ७) थेरगाव येथे आरोपी व फिर्यादीमध्ये भांडण झाले होते. या भांडणाचा राग सूरजच्या मनात होता. दरम्यान, रविवारी (ता.८) रात्री साडे आठ वाजता प्रशांत हे भोई आळी येथे मित्रांसोबत गप्पा मारत असताना सूरज साथीदारांसह तेथे आला. शिवीगाळ करीत प्रशांत यांना तलवारीने मारहाण केली. तसेच अक्षय यांनाही मारहाण केली. चिंचवड पोलिस अधिक तपास करीत आहेत.