Pimpri Chinchwad News : ‘एचएसआरपी’ फक्त खासगीलाच? सामान्यांना प्रश्न; शासकीय वाहने ‘सन्मान्य अपवाद’

अविनाश ढगे

पिंपरी : राज्यातील २०१९ पूर्वीच्या वाहनांना उच्च सुरक्षा वाहन क्रमांक पाटी (एचएसआरपी) बंधनकारक आहे. पिंपरी-चिंचवड शहरातील सुमारे अडीच लाख वाहनमालक ‘एचएसआरपी’ बसवून घेण्यासाठी वेळ आणि पैसा खर्च करीत आहेत. शासकीय आस्थापनांचे मात्र ही पाटी बसविण्याकडे दुर्लक्ष झाल्याचे दिसते. त्यामुळे हा दंडक फक्त खासगी वाहनांनाच आहे का, असे कोडे सामन्य नागरिकांना पडले आहे.