#LockDown :...याला संचारबंदी म्हणायची का?

पिंपरी : कोरोनाचा संसर्ग वाढत असल्यामुळे घराबाहेर पडू नका, असे आवाहन वारंवार करण्यात येत असले, तरी आम्ही ऐकणार नाही आणि रस्त्यावर गर्दी करणार असाच पवित्रा शहरातील नागरिकांनी घेतल्यामुळे वर्दळीत दिवसेंदिवस भर पडू लागली आहे. 

ताज्या बातम्यांसाठी डाऊनलोड करा ई-सकाळचे ऍप      

पिंपरीमधील लिंक रोड, चिंचवड अशा अनेक परिसरात बुधवारी (ता. 6) सकाळी मोठ्या प्रमाणात नागरिकांनी गर्दी केली होती. त्यामध्ये सोशल डिस्टंन्सिंगच्या नियमाला अनेकांनी फाटा दिल्याचे पाहायला मिळाले. अत्यावश्‍यक वस्तूंच्या खरेदीसाठी बाहेर पडलेल्यांपैकी काही जणांनी तोंडावर मास्क लावले नसल्याचे चित्र काही ठिकाणी पाहायला मिळाले. भाजी विक्रेत्यांच्या भोवती अनेकजणांनी कोणतेही नियम न पाळता खरेदीसाठी गर्दी केली होती. 

पिंपरी चिंचवडच्या बातम्या वाचण्यासाठी येथे ► क्लिक करा

मद्यविक्री करणाऱ्या दुकानांच्या बाहेरही तशीच स्थिती पाहायला मिळाली. दरम्यान, पोलिसांची संचारबंदीवरील पकड ढिली झाली असून, नियम तोडून विनाकारण रस्त्यावर फिरणाऱ्या वाहनांवर कोणतीही कारवाई होत नसल्यामुळे अशा मंडळींचे फावत असल्याचे अनेक भागात पाहायला मिळाले. लॉकडाउनचा कालावधी वाढवला असल्याचे सरकारकडून जाहीर करण्यात आले असले, तरी नागरिकांच्या सुरू असणाऱ्या मुक्‍त वावरामुळे शहरात संचारबंदी लागू आहे का, असा प्रश्‍न निर्माण अनेक नागरिकांनी उपस्थित केला आहे.