पिंपरी : पिंपरी-चिंचवड महापालिकेच्या वतीने छत्रपती धर्मवीर संभाजी महाराज व सरसेनापती हंबीरराव मोहिते यांचे स्मारक मोशीतील बोऱ्हाडेवाडी विनायकनगर येथे उभारण्यात येणार आहे. त्यासाठी ३२ कोटी ६५ लाख रुपये खर्च अपेक्षित आहे. त्यासह विविध विकासकामांसाठी येणाऱ्या ३९ कोटी ४६ लाख रुपये खर्चास महापालिका स्थायी समिती सभेने बुधवारी (ता. 3) मंजुरी दिली.
सभेच्या अध्यक्षस्थानी संतोष आण्णा लोंढे होते. जलशुद्धीकरण केंद्र सेक्टर २३ येथील टप्पा एक फिल्टर बेडची वाळू बदलने, सुरक्षा आवरण करणे व तदआनुषंगिक कामांसाठी एक कोटी ७२ लाख रुपये खर्चास मंजूरी देण्यात आली.
पिंपरी चिंचवडच्या बातम्या वाचण्यासाठी येथे ► क्लिक करा
पाणीपुरवठा विभागाकडील भोसरी पंपिंग, भोसरी गावठाण, आश्रम शाळा, शांतीनगर व संत तुकाराम नगर परीक्षेत्रातील पाण्याच्या टाकीचे परिचालन करणे व किरकोळ दुरूस्तीची कामे करण्यासाठी ७५ लाख ९५ हजार रुपये खर्च अपेक्षित आहे. तसेच, दिघी व बोपखेल परीक्षेत्रातील पाण्याच्या टाकीचे परिचालन करणे व किरकोळ दुरूस्तीची कामे करण्यासाठी ५९ लाख १३ हजार रुपये खर्च अपेक्षित आहे. त्यासही मंजुरी देण्यात आली.
पुण्याच्या बातम्या वाचण्यासाठी येथे ► क्लिक करा
भोसरी उपविभाग अंतर्गत विविध ठिकाणी डी.आय. पाईप लाईन टाकणे व आनुषंगिक कामे करण्यासाठी ५२ लाख ३४ हजार रुपये, प्रभाग ११ कृष्णानगर, शिवतेजनगर परिसरातील चेंबर्स व ड्रेनेज लाईनची आवश्यकतेनुसार देखभाल व दुरूस्तीसाठी २८ लाख ९९ हजार रुपये खर्चास मंजुरी देण्यात आली.
पिंपरी चिंचवडच्या बातम्या वाचण्यासाठी येथे ► क्लिक करा
चिंचवड येथील क्रांतिवीर चापेकर यांच्या स्मारकासाठी महापालिका बांधकाम खर्च करणार असल्याने क्रांतिवीर चापेकर स्मारक समिती यांना बांधकाम परवानगीसाठी येणारे २७ लाख ४६ हजार विकास शुल्क व प्रशमन शुल्क माफ करण्यास बैठकीत मंजुरी देण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.