पिंपरी-चिंचवडमधील नागरिकांमध्ये ८० टक्क्यांपेक्षा अधिक अँटिबॉडीज

पिंपरी - महापालिकेने (Municipal) १६ ते २६ जून दरम्यान शहरातील १० हजार नागरिकांची अँटिबॉडीज तपासणी (Antibodies Checking) केली. त्यासाठी शहराची २०० क्लस्टर्समध्ये विभागणी केली. त्यातून सरासरी ८१.४० टक्के कोविड अँटिबॉडीज दिसून आल्या. (More than 80 Percentage Citizens in Pimpri Chinchwad have Antibodies)

हे प्रमाण झोपडपट्टी भागात ८२.५ टक्के, गावठाणात ८४.५ टक्के व सोसायट्यांमध्ये ८० टक्के आहे. महिलांमध्ये हे प्रमाण ८१.५ व पुरुषांमध्ये ८१.३ टक्के आहे. वयोगटानुसार हेच प्रमाण सहा ते १८ वर्षे ७०.६ टक्के, १९ ते ४४ वर्षे ७८.९ टक्के, ४५ते ६० वर्षे ९१.१ टक्के व ६० वर्षावरील वयोगटामध्ये ९०.५ टक्के आहे.

असे असले तरी, डेल्टा कोरोना व्हायरसमुळे मास्क वापारणे, सामाजिक अंतर राखणे, वेळोवेळी हात धुणे व सॅनिटायझरचा वापर करणे, गर्दीच्या ठिकाणी जाणे टाळणे या नियमांचे पालन करणे आवश्यक आहे, असे महापालिका वैद्यकीय विभागाने कळविले आहे.