चोर समजून मजुराचा खून; तिघे अटकेत

पिंपरी - चोर समजून तरुणाचा खून केल्याची घटना जांबे येथे घडली. याप्रकरणी पोलिसांनी तिघांना अटक केली आहे.

राजू यादव (वय ३२, ओरिसा) असे खून झालेल्या मजुराचे नाव आहे. याप्रकरणी वैभव पंडित गायकवाड (वय २४, रा. जांबे ), समाधान परिहार (रा. जांबे), निखिल जयस्वार (रा. थेरगाव ) अशी अटक केलेल्या या आरोपींची नावे आहेत. यादव हा जांबेतील रसिकवाडी येथे फिरत असताना आरोपींनी चोर समजून त्याला लाकडी दांडक्याने बेदम मारहाण केली. यामध्ये गंभीर जखमी झाल्याने त्याचा मृत्यू झाला. ही घटना सकाळी उघडकीस आली. राजू हा मजुरीचे काम करायचा. याप्रकरणी पोलिसांनी खुनाचा दाखल करून आरोपींना अटक केली. हिंजवडी पोलिस अधिक तपास करीत आहेत.