मावळात आज ४७ पॉझिटिव्ह अन् ४७ जणांना डिस्चार्ज

वडगाव मावळ (पुणे) : मावळ तालुक्यात शुक्रवारी दिवसभरात ४७ जणांचे कोरोना चाचणी अहवाल पॉझिटिव्ह आले. तालुक्यातील एकूण रुग्णसंख्या ५ हजार ५४९ झाली आहे. आतापर्यंत १८५ जणांचा मृत्यू झाला असून, ५ हजार ४७ जणांनी कोरोनावर मात केली आहे. 

ताज्या बातम्यांसाठी डाऊनलोड करा ई-सकाळचे ऍप 

पिंपरी-चिंचवडच्या बातम्या वाचण्यासाठी येथे ► क्लिक करा

शुक्रवारी कोरोना पॉझिटिव्ह आलेल्या ४७ जणांमध्ये तळेगाव दाभाडे येथील सर्वाधिक २०, धामणे येथील सात, लोणावळा येथील पाच, वडगाव येथील चार, टाकवे बुद्रुक येथील तीन, तळेगाव दाभाडे ग्रामीण, सोमाटणे व चांदखेड येथील प्रत्येकी दोन, आढले बुद्रुक व नाणोली तर्फे चाकण येथील प्रत्येकी एक जणाचा समावेश आहे.

पुण्याच्या बातम्या वाचण्यासाठी येथे ► क्लिक करा

तालुक्यातील कोरोना रुग्णांची संख्या ५ हजार ५४९ झाली असून, त्यात ४४७ सक्रिय रुग्ण आहेत. त्यातील २१९ लक्षणे असलेले व २२८ लक्षणे नसलेले रुग्ण आहेत. लक्षणे असलेल्या २१९ जणांपैकी १९० जणांमध्ये सौम्य व २८ जणांमध्ये मध्यम स्वरूपाची लक्षणे आहेत. एक जण गंभीर आहे. सध्या सक्रिय असलेल्या ४४७ रुग्णांवर  विविध ठिकाणी उपचार सुरु असल्याची मावळ तालुका कोविड कक्षाचे समन्वयक डॉ. गुणेश बागडे यांनी दिली.