पिंपरी : "प्रेम म्हणजे प्रेम म्हणजे प्रेम असतं, तुमचं आणि आमचं अगदी सेम असतं," अशी मंगेश पाडगावकरांची कविता. मात्र, सध्या लॉकडाउनमुळे प्रेमवीरांना भेटणेच शक्‍य नसल्याने 'प्रेम सेम असत' असे म्हणणे तर दूरच, अशी परिस्थिती आहे. प्रेमवीरांमध्ये दुरावा निर्माण झाल्याने हे प्रेमवीर सोशल मीडियावरच त्यांच्यातील विरह वेगवेगळ्या शब्दात व्यक्त करीत आहेत. या प्रेमवीरांच्या विरहाबाबत मजेशीर मजकूरही व्हायरल होत असून 'भेटायला येताना गुलाब नको तर मलम घेऊन ये', असेही प्रियकर प्रेयसीला सांगत आहे.
कोरोनाचा संसर्ग रोखण्यासाठी सर्वत्र लॉकडाउन जाहीर करण्यात आला असून, घरातून बाहेर पडण्यालाही मनाई आहे. सर्व कंपन्या, शाळा, महाविद्यालये बंद असून विनाकारण रस्त्यावर फिरणाऱ्यांवर कारवाईचा बडगा उगारला जात आहे. यामुळे अनेकांचे हाल होत आहेत. यामध्ये प्रेमवीरांचाही प्रश्‍न गंभीर बनला आहे. मुलींसाठी घराबाहेर पडणे म्हणजे अवघडच. दरम्यान, यापुर्वी शाळा, महाविद्यालयात जाण्याच्या नावाखाली प्रेमीयुगुलांच्या भेटी होत.
दरम्यान, शाळा, महाविद्यालये बंद असली एखादा कार्यक्रम किंवा मैत्रिणीकडे चालल्याचे कारण सांगत भेट होत असत. मात्र, सध्या संचारबंदीच असल्याने रस्त्यावर फिरण्यासच मनाई आहे. त्यामुळे घराबाहेर पडणार कसे, भेटणार कुठे, असा प्रश्‍न निर्माण झाला आहे. यामुळे सध्या प्रेमवीर केवळ एकमेकांच्या आठवणीत कसेबसे दिवस काढत असल्याचे दिसून येते.
अशाप्रकारे व्यक्त होताहेत भावना
मागील दीड महिन्यांपासून विरहाचे दु:ख सहन करीत असलेले प्रेमवीर त्यांच्या भावना सोशल मिडियाद्वारे व्यक्त करीत आहेत. सिनेमातील गाणी, प्रेमकविता यासह स्वतः: बनविलेल्या कवितांच्या माध्यमातून आपल्या भावना प्रेयसीपर्यंत पोहोचविल्या जात आहेत.
पुण्याच्या बातम्या वाचण्यासाठी येथे ► क्लिक करा
'हम तेरी यादो मे खोये रहते हैं'
अनेक दिवसांपासून प्रेयसीची भेट नसल्याने काही तरूण अक्षरश: सैरभैर झाले आहेत. मनातल्या भावना व्यक्त करण्यासाठी प्रेयसी सोबत नसल्याने या तरूणांची घुसमट होत आहे. "ती'च्या आठवणीत हे तरूण हरवून गेले असून या तरूणांची "हम तेरी यादो मे खोये रहते हैं, लोग हमे पागल दिवाना कहते हैं' अशी स्थिती झाली आहे.
... येताना गुलाब नको मलम घेऊन ये
प्रेमवीरांच्या विरहाबाबत मजेशीर मजकूरही व्हायरल होत आहेत. घराबाहेर पडून पोलिसांनी काठीचा प्रसाद दिल्यानंतर भेटायला येताना गुलाब नको तर मलम घेऊन ये, असे प्रियकर प्रेयसीला सांगत आहे. "दिवस उद्याचे फुलायचे, लॉकडाउन झाल्यानंतर नक्की भेटायचे', असा 'वादा'ही केला जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.