चोरट्यांच्या हल्ल्यात वृद्ध महिला गंभीर जखमी; निगडीतील घटना

पिंपरी : एकट्या राहत असलेल्या वृद्ध महिलेच्या घरात घुसून चोरट्यानी दागिने लंपास केले. यावेळी वृद्धावर केलेल्या हल्ल्यात त्या गंभीर जखमी झाल्या. ही घटना निगडी प्राधिकरणातील सेक्टर 24 येथे घडली. 

ताज्या बातम्यांसाठी डाऊनलोड करा ई-सकाळचे ऍप

हेमलता पाटील (वय 75, रा. एमएसईबी ऑफिसशेजारी, सेक्टर 24, प्राधिकरण, निगडी) असे या घटनेत जखमी झालेल्या महिलेचे नाव आहे. पाटील या येथे एकट्याच राहतात. त्यांना एक विवाहित मुलगी असून, ती आकुर्डीत राहते. सोमवारी रात्री पाटील घरात एकट्याच असताना अज्ञात चोरटे घरात शिरले. त्यांना मारहाण करीत घरातील दागिने व रोकड चोरून तेथून पसार झाले. 

पिंपरी-चिंचवडच्या बातम्या वाचण्यासाठी येथे ► क्लिक करा

याबाबत त्यांच्या मुलीला माहिती मिळाल्यानंतर पाटील यांना उपचारासाठी खासगी रुग्णालयात दाखल करण्यात आले. निगडी पोलिस हल्लेखोरांचा शोध घेत असून, नेमका किती ऐवज चोरीला गेला याबाबतचाही तपास सुरू आहे.