पोलिसांनी फक्त मास्क का लावला नाही एवढंच विचारलं, पण त्याने थेट...

पिंपरी : तोंडाला मास्क न लावता दुचाकीवरून भरधाव वेगात जाणाऱ्या दोघांना थांबविल्याच्या रागातून दोघांनी वाहतूक पोलिसाला मारहाण केली. ही घटना हिंजवडी येथे घडली. 

ताज्या बातम्यांसाठी डाऊनलोड करा ई-सकाळचे ऍप   

सुधीर महेंद्र गोस्वामी (वय 34, रा. खेसे पार्क, धानोरी), कैलास काशिनाथ कलशेट्टी (वय 33, रा. कस्पटेवस्ती, वाकड) अशी अटक केलेल्यांची नावे आहेत. याप्रकरणी अमोल जनार्दन बनसोडे (वय 34) यांनी फिर्याद दिली. फिर्यादी हे हिंजवडी वाहतूक विभागात कार्यरत असून, रविवारी (ता. 5) सायंकाळी सहाच्या सुमारास ते हिंजवडीतील फेज एककडून शिवाजी चौकाकडे जाणाऱ्या रस्त्यावर वाहतूक नियमन करीत होते. 

पुण्याच्या बातम्या वाचण्यासाठी येथे ► क्लिक करा

दरम्यान, दुचाकीवरून एकाच व्यक्तीस प्रवासाची परवानगी असताना दोघे आरोपी तोंडाला मास्क न लावता दुचाकीवरून फेज एककडून शिवाजी चौकाकडे विरुद्ध दिशेने जात होते. त्यावेळी फिर्यादीने त्यांना थांबण्याचा इशारा केला असता ते न थांबता निघून जाऊ लागले. दरम्यान, फिर्यादीने त्यांची दुचाकी अडवून विचारणा केली असता आरोपींनी त्यांना शिवीगाळ करीत बेदम मारहाण केली. यामध्ये फिर्यादीच्या डोक्‍याला दुखापत झाली. आरोपींवर हिंजवडी पोलिस ठाण्यात मारहाण व शासकीय अडथळा आणल्याप्रकरणी गुन्हा दाखल झाला असून, दोघांनाही अटक केली आहे.

पिंपरी-चिंचवडच्या बातम्या वाचण्यासाठी येथे ► क्लिक करा