तळेगाव स्टेशन - मॉर्निंग वॉकसाठी गावालगतच्या डोंगरावर गेलेल्या मावळ तालुक्यातील नवलाख उंबरे येथील चौघांवर आग्या मोहोळाच्या मधमाशांनी अचानक केलेल्या हल्ल्यात एकाचा मृत्यू झाला तर तिघे जखमी झाले आहेत..तळेगाव एमआयडीसी पोलीस ठाण्याचे वरिष्ठ पोलीस निरीक्षक रणजीत जाधव यांनी दिलेल्या माहितीनुसार, मंगळवारी (ता. ०६) सकाळी पावनेसात वाजण्याच्या सुमारास नवलाख उंबरे येथील हनुमंत कोयते, दत्ता कडलक, लक्ष्मण कदम, एकनाथ धायबर आणि हनुमंत कोयते है चौघेजण नेहमीप्रमाणेच गावाशेजारील डोंगरामधील तामकडा येथे मॉर्निंग वॉकला गेले होते..दरम्यान आग्या मोहोळाच्या मधमाशांचे पोळे उठल्याने मधमाशांनी वर नमूद चौघांवर हल्ला केला. मधमाशांच्या हल्ल्यात जखमी होऊन बेशुद्ध झाल्याने हनुमंत बबूशा कोयते (वय-४४, नवलाख उंबरे, ता. मावळ) यांना उपचारार्थ सोमाटणे फाटा येथील पवना हॉस्पिटलमध्ये दाखल केले असता, डॉक्टरांनी त्यांना तपासून उपचारापूर्वी सकाळी साडेआठ वाजता मयत घोषित केले..या प्रकरणी तळेगाव एमआयडीसी पोलीस ठाण्यात अकस्मात मृत्यूची नोंद करण्यात आली आहे. लक्ष्मण कदम, एकनाथ धायबर व दत्ता नरवडे हे हल्ल्यात जखमी झाले असून, त्यांच्यावर सोमाटणे फाटा येथील पवना हॉस्पिटलमध्पे उपचार चालू आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
