पिंपरी : विवाहबाह्य संबंधातून एक महिला आणि पुरुषाचा दगडाने ठेचून खून झाल्याची घटना तळवडे येथे बुधवारी (ता. २५) पहाटे घडली. याप्रकरणी महिलेच्या दुसऱ्या प्रियकराला पोलिसांनी ताब्यात घेतले असून, त्याने खुनाची कबुली दिल्याचे पोलिसांनी सांगितले. .मंगला सूरज टेंभरे (वय ३०, रा. तळवडे, मूळ ः रा. अमरावती) आणि जगन्नाथ पुंडलिक सरोदे (वय ५५, रा. तळवडे, मूळ - अकोला) अशी खून झालेल्या दोघांची नावे आहेत. दत्तात्रेय लक्ष्मण साबळे (वय ४९, रा. म्हेत्रे वस्ती, चिखली, मूळ - राशीन, ता. कर्जत, जि. अहिल्यानगर) याला पोलिसांनी ताब्यात घेतले आहे. मंगलास दोन मुले आहेत. तर, मृत जगन्नाथ याचे लग्न झाले असून, त्यालाही दोन मुले आहेत. तर, आरोपी दत्तात्रेय याचेही लग्न झाले असून, त्यालाही दोन मुले आहेत..देहूरोड पोलिस ठाण्याचे पोलिस निरीक्षक विक्रम बनसोडे यांनी याबाबत माहिती दिली. मंगला, जगन्नाथ आणि दत्तात्रेय हे तळवडे परिसरात वास्तव्यास होते. मंगला आणि जगन्नाथ मजुरीचे काम करतात. तर, दत्तात्रेय मजूर पुरविण्याचे कंत्राट घेतो. मंगला हिचे जगन्नाथसोबत विवाहबाह्य संबंध होते. त्यानंतर तिचे दत्तात्रेय सोबतही प्रेमसंबंध जुळले होते..मंगळवारी रात्री मंगला आणि जगन्नाथ हे दोघे दारू पीत बसले होते. मध्यरात्री दत्तात्रेय याने मंगला आणि जगन्नाथ यांचा दगडाने ठेचून खून केला. त्यानंतर दोघांचेही मृतदेह तळवडे येथील मोकळ्या मैदानात टाकले. त्यानंतर रात्री दोनच्या सुमारास त्याने स्वत:च मंगलाच्या पतीला याबाबतची माहिती दिली. पोलिसांनी संशयावरून दत्तात्रेय याला चिखलीतून जेरबंद केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
