PCMCचा पथदर्शी उपक्रम; तृतीयपंथीयांना दिली नोकरीची संधी

पिंपरी : पिंपरी-चिंचवड महापालिकेनं एक पुरोगामी पाऊल उचललं असून तृतीयपंथी व्यक्तींना पालिकेत नोकरी देण्याचा पथदर्शी निर्णय घेण्यात आला आहे. महापालिका आयुक्त राजेश पाटील यांनी हा निर्णय घेतला असून तृतीयपंथीयांना आत्मसन्मानानं जगता यावं यासाठी हे पाऊल उचलण्यात आल्याचं त्यांनी सांगितलं. (Pilot initiative of Pimpri Chinchwad Municipal Corporation Job opportunities given to transgender)

आयुक्त राजेश पाटील म्हणाले, पिंपरी-चिंचवड महापालिकेत आम्ही तृतीयपंथीयांना सिक्युरिटी गार्ड आणि ग्रीन मार्शल्स म्हणून नोकऱ्या देणार आहोत. याद्वारे त्यांना आत्मसन्मानानं जगता येईल तसेच स्वतःची एक ओळखही निर्माण करता येईल.

तृतीयपंथीयांसाठी अशा प्रकारे रोजगाराबाबत ठोस कार्यक्रम राबवणारी पिंपरी-चिंचवड महापालिका ही बहुतेक पहिलीच महापालिका ठरली आहे. दरम्यान, पालिकेच्या या निर्णयाचं सर्वच स्तरातून स्वागत करण्यात येत आहे.