पिंपरी : निगडी प्राधिकरण परिसरातील बंगल्यात शिरून ज्येष्ठ नागरिकाचे हातपाय बांधून आणि पिस्तुलाचा धाक दाखवत दरोडा टाकणाऱ्या टोळीतील दोघांना पकडण्यात पिंपरी चिंचवड पोलिसांच्या मालमत्ता गुन्हे विरोधी पथकाला यश आले. राजस्थानपर्यंत बाराशे किलोमीटर माग काढून पोलिसांनी मुख्य सूत्रधाराला अटक केली; तर एका आरोपीला वडगाव मावळ येथून ताब्यात घेण्यात आले. मोबाईल लोकेशन ट्रेस होऊ नये म्हणून आरोपींनी मोबाईलऐवजी वॉकी टॉकीचा वापर केल्याचे समोर आले.