Pimpri Chinchwad Waste Management Issue Raised in Municipal General Body Meeting
पिंपरी : ‘स्वच्छ सर्वेक्षणात राज्यात पहिला क्रमांक मिळाला; पण प्रभागांमधील कचऱ्याच्या समस्येचे काय?’ असा सवाल करत सत्ताधारी आणि विरोधी नगरसेवकांनी शुक्रवारी महापालिकेच्या सर्वसाधारण सभेत प्रशासनाला धारेवर धरले. स्वच्छतेतील यशाबद्दल अधिकारी-कर्मचाऱ्यांचे अभिनंदन करतानाच मोशी दुर्घटनेनंतरचे कचरा व्यवस्थापन, प्रभागनिहाय प्रक्रिया केंद्रे, ठेकेदारांची मनमानी आणि स्वच्छता कर्मचाऱ्यांच्या प्रश्नांवर सदस्यांनी नाराजी व्यक्त केली.