पिंपरी : पिंपरी-चिंचवड महापालिकेच्या अतिक्रमण निरीक्षकाला चौघांनी मिळून मारहाण केल्याची घटना पिंपरी येथे घडली. याप्रकरणी चौघांवर गुन्हा दाखल झाला आहे. राजू अश्रुबा वाघमारे (वय 41), शुभम राजू वाघमारे (वय 19), सुभाष राजू वाघमारे (वय 20, सर्व रा. विठ्ठलनगर, पिंपरी) यांच्यासह एका अल्पवयीन मुलावर गुन्हा दाखल झाला आहे. याप्रकरणी अतिक्रमण निरीक्षक सतीश निवृत्ती लांडगे (वय 54, रा. लांडगे मळा, कासारवाडी) यांनी फिर्याद दिली.
फिर्यादी हे महापालिकेच्या अतिक्रमण विभागात निरीक्षक म्हणून कार्यरत आहेत. गुरुवारी (ता. 16) दुपारी पावणे एकच्या सुमारास ते अतिक्रमण विभागाच्या पथकासमवेत नेहरूनगर येथील अण्णासाहेब मगर स्टेडियम येथे काम करीत होते. त्यावेळी आरोपी तेथे आले. त्यांनी फिर्यादीला पकडून शिवीगाळ व धमकी देत लाकडी दांडक्यासह वजन काट्याने मारहाण केली. तसेच, अतिक्रमण विभागाचे वाहन अडवून त्याचीही तोडफोड केली. पिंपरी पोलिस ठाण्यात सरकारी कामात अडथळा आणल्याप्रकरणी गुन्हा दाखल झाला असून, पोलिस अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.