Pimpri Chinchwad Municipal Corporation: शहर विद्रूप करणाऱ्यांकडून दीड कोटीचा दंड वसूल; महापालिका आरोग्य विभागाची कारवाई

पिंपरी: केंद्र सरकारच्या स्वच्छ भारत अभियानांतर्गत केलेल्या सर्वेक्षणात पिंपरी-चिंचवड महापालिकेने देशात सातवा व राज्यात पहिला क्रमांक पटकावला आहे. .मात्र, काही जण शहर अस्वच्छ व विद्रूप करत असल्याने त्यांच्यावर कारवाईसाठी आरोग्य विभागाने स्वतंत्र पथक नियुक्त केले आहेत. त्यांनी वर्षभरात सात हजार २१४ व्यक्तींकडून एक कोटी ४८ लाख ८५ हजार ७०० रुपये दंड वसूल केला आहे..कचरा कुंडीमुक्त शहर संकल्पना महापालिका राबवीत आहे. त्यासाठी घंटागाडीद्वारे घरोघरचा कचरा संकलित केला जात आहे. मोठ्या सोसायट्यांमध्ये निर्माण होणारा कचरा तिथेच विल्हेवाट लावला जात आहे. घरांमध्येच ओला व सुका कचरा असे विलगीकरण केले जात आहे. वेगवेगळ्या भागात कचरा संकलन केंद्र सुरू केले असून त्यानंतर मोशी कचरा डेपोत तो नेला जातो. शिवाय, १८ मीटरपेक्षा अधिक रुंद रस्त्यांची साफसफाई यंत्राद्वारे केली जात आहे..प्लॅस्टिक, घातक, वैद्यकीय कचऱ्याचेही जागेवरच वर्गीकरण करून तो स्वीकारला जात आहे. तरीही काही जण रस्त्यांच्या कडेला, नदी किनारी, मोकळ्या मैदानांत कचरा टाकून शहर विद्रूपकरत आहेत. त्यांच्यावर महापालिकेकडून दंडात्मक कारवाई सुरू आहे..Pimpri Traffic: मेट्रो कामामुळे रस्त्यासह थांबाही अरुंद; विद्यार्थ्यांना जीव मुठीत घेऊन करावा लागतोय प्रवास.शिवाय, सार्वजनिक ठिकाणी थुंकणे, लघुशंका व शौच करणे, राडारोडा टाकणे, कचरा जाळणे, डासोत्पती ठिकाणे, कचऱ्याचे वर्गीकरण न करणे, जाहिरातींची भित्तिपत्रके लावणे, वैद्यकीय कचरा रस्त्यावर टाकणे, बंदी घातलेल्या प्लास्टिकचा वापर काही जणांकडून सुरू आहे. त्यांच्यावर दंडात्मक कारवाई केली जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.