पिंपरी : दारू पिताना झालेल्या भांडणाचा राग मनात धरून एकाचा गळा आवळून खून केला. याप्रकरणी पोलिसांनी तिघांना अटक केली आहे. ही घटना आळंदी येथे घडली. दीपक (वय ४५) असे खून झालेल्याचे नाव आहे. याप्रकरणी माधव अतऋषी साबळे (वय ३०, रा. सध्या इंद्रायणी घाटावर आळंदी, मूळ- मु. पो. जांबअंध. ता. सेनगाव. जि. हिंगोली), सुधाकर उर्फ बंटी बबन वाघमारे (वय ३०, रा. सध्या इंद्रायणी घाटावर आळंदी, मूळ- हिंगलजवाडी, जि. उस्मानाबाद, ज्ञानेश्वर पुंडलिक शिंदे (वय ५६, रा. सध्या इंद्रायणी घाटावर आळंदी , मूळ- मु. पो. हाडूलकी, ता. अहमदपूर, जि. लातूर) यांना पोलिसांनी अटक केली आहे.
इंद्रायणी नदी घाटावर जेवण करताना दारू पिण्याच्या कारणावरून झालेल्या भांडणाचा राग मनात धरून आरोपींनी दीपक यांना जबर मारहाण केली. त्यानंतर कशाच्या तरी सहाय्याने गळा आवळून त्यांचा खून केला. त्यांचा मृतदेह इंद्रायणी नदी घाटाजवळील संत गुलाबराव महाराज ट्रस्ट शेजारील पदपथावर आढळला. हा प्रकार रविवारी (ता.८) साडे नऊ ते सोमवारी (ता. ९) सकाळी नऊ या कालवधीत घडला. दिघी पोलिसांनी आरोपींना चार तासातच अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.