esakal | Pimpri: तोतया पोलिस उपनिरीक्षक, बँक मॅनेजर अटकेत
sakal

बोलून बातमी शोधा

pimpri

Pimpri: तोतया पोलिस उपनिरीक्षक, बँक मॅनेजर अटकेत

sakal_logo
By
सकाल वृत्तसेवा

पिंपरी : पोलिस उपनिरीक्षक व बँकेचा मॅनेजर असल्याची बतावणी करून दुकानदारांना कारवाई करण्याची धमकी देणाऱ्या दोन तोतयांना सांगवी पोलिसांनी अटक केली. ही कारवाई सांगवीतील सृष्टी चौक येथे करण्यात आली.

बुद्धभूषण अशोक कांबळे (वय २७, रा. म्हेत्रे वस्ती, टॉवरलाइन, निगडी) व औदुंबर भारत जाधव (वय २९, रा. स्मशानभूमीजवळ, कासारवाडी) अशी अटक केलेल्या आरोपींची नावे आहेत. याप्रकरणी पोलिस नाईक प्रमोद गोडे यांनी सांगवी पोलिस ठाण्यात फिर्याद दिली. फिर्यादी हे सांगवी परिसरात मंगळवारी (ता. ३१) रात्री साडेनऊच्या सुमारास पेट्रोलिंग करीत होते. त्यावेळी सृष्टी चौकातील एका पान टपरीवर दोघेजण संशयितरीत्या थांबल्याचे निदर्शनास आले. त्यातील एकाने आपण पोलिस उपनिरीक्षक असल्याचे, तर दुसऱ्याने एसबीआय बँकेत क्रेडिट मॅनेजर असल्याचे सांगितले.

मात्र, त्यांच्याकडे सखोल चौकशी केल्यावर दोघेही तोतया असल्याचे समोर आले. एकाने पोलिस उपनिरीक्षक असल्याचे भासविण्यासाठी पोलिसांचा गणवेश परिधान केला होता, तर दुसऱ्याने एसबीआय बँकेचा ड्रेस कोड परिधान केला होता. दोघे आरोपी सार्वजनिक ठिकाणी जाऊन दुकानदारांना गुन्हा दाखल करण्याची धमकी देऊन पैसे मागत होते. या दोघांना अटक केली असून अधिक तपास सुरू आहे.

loading image
go to top