महिलेसोबतचे 'त्या' अवस्थेतील फोटो त्याने व्हायरल केले अन्...

पिंपरी : महिलेचे अश्‍लील व्हिडिओ व फोटो व्हायरल केले. या बाबत विचारणा केली असता महिलेसह तिच्या मुलीला जिवे मारण्याची धमकी दिल्याचा प्रकार वाकड येथे उघडकीस आला. 

ताज्या बातम्यांसाठी डाऊनलोड करा ई-सकाळचे ऍप 

अरविंद उपाध्याय (रा. ग्यानपूर, उत्तरप्रदेश) याच्यावर गुन्हा दाखल झाला. याप्रकरणी 43 वर्षीय महिलेने फिर्याद दिली. फिर्यादी व त्यांच्या पतीमध्ये होत असलेल्या वादाचा गैरफायदा घेऊन आरोपीने सहानुभूती दाखविण्याचा बहाणा करीत फिर्यादीशी जवळीक साधली. त्यानंतर त्यांच्यात होत असलेल्या शारीरिक संबंधाचे रेकॉर्डिंग करीत अश्‍लील फोटो काढले. हे व्हिडिओ व फोटो व्हायरल केले. 

पिंपरी-चिंचवडच्या बातम्या वाचण्यासाठी येथे ► क्लिक करा

या बाबत फिर्यादीने फोनवरून आरोपीला विचारणा केली असता 'यापुढे माझ्याशी संपर्क करण्याचा प्रयत्न केल्यास तुला व तुझ्या मुलीला खल्लास करून टाकीन' अशी धमकी आरोपीने दिली. वाकड पोलिस अधिक तपास करीत आहेत.