वडगाव मावळ : निसर्ग चक्री वादळामुळे विविध ठिकाणी विजेचे खांब पडल्याने तसेच झाडे पडून वीज वाहक तारा तुटल्याने वडगावसह ३५ गावांचा वीज पुरवठा बुधवारी दुपारपासून खंडीत झाला आहे. त्यामुळे पाणीपुरवठ्यासह विविध बाबींवर विपरीत परिणाम झाला आहे.
सर्व गावांचा वीज पुरवठा सुरळीत होण्यास दोन ते तीन दिवसांचा कालावधी लागू शकतो अशी माहिती महावितरणच्या अधिकाऱ्यांनी दिली. बुधवारी पहाटेपासून संध्याकाळ पर्यंत सुमारे बारा तास झालेल्या जोरदार वाऱ्यामुळे वडगाव परिसरात मोठ्या प्रमाणावर पडझड झाली. विशेषतः अनेक ठिकाणी विजेचे खांब पडले. स्वागत कमानी व जाहिरात फलकांचे सांगाडे पडले.
पुणे-मुंबई महामार्गालगत विद्युत वाहक तारांवर अनधिकृत जाहिरात फलकाचे होर्डिंग कोलमडून पडले. अनेक ठिकाणी वीज वाहक तारांवर झाडे पडली. त्यामुळे वडगावसह पस्तीस गावांचा वीज पुरवठा बुधवारी दुपारपासून खंडीत झाला आहे. त्यामुळे ग्रामस्थांना अंधारात बसण्याची वेळ आली. वीज नसल्याने गुरुवारी सकाळी पाणीपुरवठ्यासह उद्योग-व्यवसायांवर परिणाम झाला. महावितरणने दुरुस्तीचे काम हाती घेतले आहे. वडगाव नगरपंचायतीनेही वीज वाहक तारांवर पडलेले होर्डिंग क्रेनच्या सहाय्याने बाजूला करण्याचे काम बुधवारी रात्रीपासून सुरु केले.
पुण्याच्या बातम्या वाचण्यासाठी येथे ► क्लिक करा
तहसीलदार मधुसूदन बर्गे, नगराध्यक्ष मयुर ढोरे, आदींसह महावितरणचे अधिकारी उपस्थित होते. पाऊस व अंधारामुळे रात्री उशिरा हे काम बंद कण्यात आले. गुरुवारी सकाळी ते पुन्हा सुरु करण्यात आले. वडगावचा वीज पुरवठा संध्याकाळपर्यंत सुरळीत होईल परंतु पडझड मोठी असल्याने इतर सर्व गावांचा वीज पुरवठा सुरळीत करण्यासाठी दोन ते तीन दिवस लागण्याची शक्यता आहे अशी माहिती महावितरणचे सहाय्यक अभियंता शाम दिवटे यांनी दिली.
होर्डिंगवर कारवाई करणार- अनाधिकृत व धोकादायक असलेल्या होर्डिंगवर कारवाई करावी अशी मागणी मनसेच्या वतीने सातत्याने करण्यात येत आहे. बुधवारची दुर्घटना लक्षात घेऊन नगरपंचायतीने ही बाब गांभिर्याने घेतली आहे. शहर परिसरातील सर्व अनधिकृत व धोकादायक होर्डींगवर कारवाई करण्यात येणार असल्याची माहिती नगराध्यक्ष मयूर ढोरे व मुख्याधिकारी सुवर्णा ओगले यांनी दिली. पीएमआरडीएच्या परवानगीने अनेक होर्डिंगस उभारण्यात आल्याची माहिती नगराध्यक्ष ढोरे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.