पिंपरी : अतिरिक्त आयुक्तपदाचा तात्पुरता कारभार प्रविण तुपे यांच्याकडे

पिंपरी : राज्य सरकारचा निर्णय व नव्या आकृतीबंधानुसार पिंपरी- चिंचवड महापालिकेत अतिरिक्त आयुक्तांची तीन पदे मंजूर आहेत. त्यापैकी दोन पदे अतिरिक्त आयुक्त एक व दोन शासन नियुक्त अधिका-यांकडे आहे. तिसऱ्या पदाचा तात्पुरता कारभार महापालिका विद्युत विभागाचे सहशहर अभियंता प्रविण तुपे यांच्याकडे आयुक्त श्रावण हर्डीकर यांनी सोपविला. त्यामुळे अनेक महिन्यांपासून चर्चेत असलेले तिसरे अतिरिक्त आयुक्त महापालिकेला मिळाले आहेत.

ताज्या बातम्यांसाठी डाऊनलोड करा ई-सकाळचे ऍप 

राज्य सरकारच्या निर्णयानुसार महापालिकेत तीन अतिरिक्त आयुक्त पदे मंजूर आहेत. सध्या अतिरिक्त आयुक्त एक संतोष पाटील आणि अतिरिक्त आयुक्त दोन अजित पवार कार्यरत आहेत. हे दोन्ही अधिकारी शासन नियुक्त आहेत. महापालिका अधिनियमानुसार तिसरे पद महापालिका सेवेतील पात्र अधिका-यांतून भरणे आवश्यक आहे. यासाठी सहायक आयुक्त, शहर अभियंता यांच्यातून सेवा ज्येष्ठता विचारात घेतले जाते. 

पुण्याच्या बातम्या वाचण्यासाठी येथे  क्लिक करा

गेल्या महिन्यात राज्य सरकारने अतिरिक्त जिल्हाधिकारी साहेबराव गायकवाड यांची नियुक्ती अतिरिक्त आयुक्त पदी केली होती. मात्र, पदाचा कारभार स्विकारण्यापूर्वीच त्यांचे ह्रदय विकाराने निधन झाले. त्यामुळे महापालिकेतील तिसरे अतिरिक्त आयुक्त पद रिक्तच राहिले. 

पुण्याच्या बातम्या वाचण्यासाठी येथे  क्लिक करा

महापालिकेतील तिसऱ्या अतिरिक्त आयुक्त पदासाठी प्रविण तुपे यांचे दोन वर्षांपासून प्रयत्न सुरू होते. परंतु, ते डिप्लोमा धारक असल्याने पात्र नसल्याबाबत चर्चा रंगली होती. अखेर त्यांनी बाजी मारली आहे. महापालिका कामकाजाचे नियोजनाची आवश्यकता म्हणून तिसऱ्या अतिरिक्त आयुक्त पदाचा तात्पुरता कारभार आयुक्त श्रावण हर्डीकर यांनी सहशहर अभियंता प्रविण तुपे यांच्याकडे सुपूर्द केला. मूळ पदाचा कारभार ही त्यांना साभाळायचा आहे. याबाबचा आदेश महापालिका आयुक्त हर्डीकर यांनी काढला आहे.

पुण्याच्या बातम्या वाचण्यासाठी येथे  क्लिक करा