पिंपरी - माण-हिंजवडी ते शिवाजीनगर या मेट्रो मार्गाचे काम सध्या सुमारे ८२ टक्‍के पूर्ण झाले आहे. तर, एक किलोमीटरच्‍या ‘वायडक्‍ट’च्या कामाला गती मिळाली आहे. ही कामे पूर्ण करून ऑक्‍टोबर २०२५ पर्यंत मेट्रो सुरू होईल, अशी माहिती पुणे महानगर प्रदेश विकास प्राधिकरण (पीएमआरडीए) प्रशासनाने दिली आहे.
पुणे प्रादेशिक क्षेत्रीय विकास प्राधिकरण यांच्याकडे हा प्रकल्प आहे. ‘पीपीपी’ (पब्लिक प्रायव्हेट पार्टनरशिप) तत्त्वावर हे काम सुरू आहे. तत्पूर्वी दिरंगाईमुळे ‘पीएमआरडीए’ने ठेकेदाराला दंडात्‍मक कारवाईचा इशारा देत काम पूर्ण करण्यासाठी सहा महिन्‍यांची मुदतवाढ दिली. त्यानंतर जुलैपासून काम वेगाने सुरू आहे.
हिंजवडी (माण, मेगापोलीस) ते शिवाजीनगर हा पुणे आणि पिंपरी चिंचवड या शहरांना जोडणारा हा मेट्रो प्रकल्पातील तिसरा मेट्रो मार्ग आहे. हा संपूर्ण मार्ग उन्नत असून, पुणे-बंगळुरू महामार्ग आणि मुळा नदीवरून जात आहे.
प्रामुख्याने बाणेर, सकाळनगर आणि सिव्हिल कोर्ट स्थानकांची कामे शिल्‍लक आहेत. यांसह विविध ठिकाणी जिने आणि अकरा स्थानकांचे महत्त्वाचे काम बाकी आहे. ही कामे पूर्ण झाल्‍यानंतर मेट्रोची ‘ट्रायल रन’ घेण्यात येणार आहे.
मेट्रो प्रकल्पातील एक किलोमीटर ‘वायडक्‍ट’चे काम शिल्‍लक आहे. बहुतांश काम पूर्ण होताच मार्ग सुरक्ष्ा तपासणी केली जाईल आणि ऑक्‍टोबरपर्यंत मेट्रो सुरू होईल. सध्या ८२ टक्‍क्‍यांपर्यंत काम पूर्ण झाले आहे.
- रिनाज पठाण, कार्यकारी अभियंता, पीएमआरडीए
असा आहे प्रकल्प
८,३१३ कोटी रु. - प्रस्तावित खर्च
२३.३ कि.मी. - मेट्रो मार्गाचे अंतर
२३ - एकूण स्थानकांची संख्या
१२ - कामे पूर्ण झालेली स्थानके
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.